Vivo V29 5G: ഔദ്യോഗിക ലോഞ്ചിന് മുന്നോടിയായി വിലയും സവിശേഷതകളും ചോർന്നു

Vivo V29 5G India Launch: മിഡ് റേഞ്ച് ബജറ്റ് സ്മാർട്ട് ഫോൺ എന്ന് പറയുന്നുണ്ടെങ്കിലും അങ്ങിനെ തന്നെ ആയിരിക്കുമോ എന്നതിൽ വ്യക്തതയില്ല

സ്മാർട്ട് ഫോൺ പ്രേമികൾ ഏറെ പ്രതീക്ഷയോടെ കാത്തിരിക്കുന്ന  Vivo V29 5G ഉടൻ വിപണിയിലേക്ക് എത്തും.ഫോണിന്റെ വില സവിശേഷതകൾ എന്നിവ ഓൺലൈനിൽ എത്തിയതോടെ അഭ്യൂഹങ്ങളും പ്രചരിച്ച് തുടങ്ങി. ഫോണിൻറെ പ്രതീക്ഷിക്കുന്ന സ്പെസിഫിക്കേഷൻ എന്തൊക്കെയാണെന്ന് പരിശോധിക്കാം.

8GB റാമും 256GB സ്റ്റോറേജുമുള്ള വേരിയന്റിന് വലിയ വില ഉണ്ടാവാനുള്ള സാധ്യത കുറവാണെന്നാണ് വിലയിരുത്തുന്നത്. ബ്ലാക്ക്, ബ്ലൂ കളർ ഓപ്ഷനുകളിൽ ഫോൺ ലഭ്യമാകും. Vivo V29 5G 1,260×2,800 പിക്സൽ റെസല്യൂഷനുള്ള 6.78 ഇഞ്ച് വളഞ്ഞ AMOLED ഡിസ്പ്ലേയും 120Hz റീ ഫ്രഷ് റേറ്റമുള്ള ഫോൺ Android 13 അടിസ്ഥാനമാക്കിയുള്ള Funtouch OS 13-ൽ പ്രവർത്തിക്കുന്നതാണ്. കൂടാതെ 8GB LPDDR4X റാം 256GB UFS 2.2 സ്‌റ്റോറേജുമായി ജോടിയാക്കിയ സ്‌നാപ്ഡ്രാഗൺ 778G SoC ആണ് ഇത് നൽകുന്നത്.

Vivo V29 5G ആകർഷകമായ ക്യാമറ സജ്ജീകരണത്തോടെയാണ് എത്തുന്നത്. ഇത് ഫോട്ടോഗ്രാഫി പ്രേമികൾക്കും സന്തോഷമുണ്ടാക്കുന്നതാണ്.റിയർ ക്യാമറ മൊഡ്യൂളിൽ ഒപ്റ്റിക്കൽ ഇമേജ് സ്റ്റെബിലൈസേഷൻ (OIS), 8 മെഗാപിക്സൽ അൾട്രാ വൈഡ് ആംഗിൾ ലെൻസ്, 2 മെഗാപിക്സൽ മാക്രോ ഷൂട്ടർ എന്നിവയുള്ള 50 മെഗാപിക്സൽ പ്രൈമറി ക്യാമറയായിരിക്കും ഫോണിൽ. മുൻ ക്യാമറയ്ക്ക് 50-മെഗാപിക്സൽ സെൻസറും ഉണ്ടാവും.

Vivo V29 5G-യിലെ കണക്റ്റിവിറ്റി ഓപ്ഷനുകളിൽ Wi-Fi, Bluetooth 5.2, GPS, NFC എന്നിവ ഉണ്ടാവും. ആക്സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, പ്രോക്‌സിമിറ്റി സെൻസർ എന്നിവയും ഫോണിന്റെ സവിശേഷതയാണ്. വാട്ടർ പ്രോട്ടക്ഷനായി IP68 റേറ്റിംഗ് ഉണ്ടായിരിക്കുമെന്ന് പ്രതീക്ഷിക്കുന്നു. Vivo V29 5G, ഇൻ-ഡിസ്‌പ്ലേ ഫിംഗർപ്രിന്റ് സെൻസറും 80W ഫാസ്റ്റ് ചാർജിംഗിനെ പിന്തുണയ്ക്കുന്ന വലിയ 4,600mAh ബാറ്ററിയും ഉണ്ടായേക്കും.

ഏതാനും മാസങ്ങൾക്ക് മുമ്പ് ഇന്ത്യയിൽ അവതരിപ്പിച്ച വിവോ വി 27 5 ജിയുടെ പിൻഗാമിയാണ് വരാനിരിക്കുന്ന വിവോ വി 29 5 ജി. ഫോണിൻറെ ലോഞ്ചിങ്ങ് തീയ്യതി ഇതുവരെ പുറത്ത് വിട്ടിട്ടില്ല. വിവോ വി 29  മികച്ച പെർഫോമൻസുള്ള മാന്യമായ മിഡ് റേഞ്ച് സ്മാർട്ട്‌ഫോണായിരിക്കും. സമാ പെർഫോമൻസുള്ള  നിരവധി സ്മാർട്ട്‌ഫോണുകൾ ഈ ശ്രേണിയിൽ ഉണ്ട്, എന്നാൽ OIS ഉള്ള ശക്തമായ പ്രധാന ക്യാമറയും 50 MP സെൽഫി ക്യാമറയും ഫോണിൻറെ അനുകൂല ഘടകങ്ങളാണ്.  വിവോയുടെ പ്രധാന എതിരാളി POCO X5 Pro ആണ്സ്‌നാപ്ഡ്രാഗൺ 778G ആണ് X5 പ്രോയിലും ഉള്ളത്. എന്നിരുന്നാലും, ക്യാമറയിൽ POCO-യെക്കാൾ V29 5G മികച്ചതാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy