Brahmastra Collection Day 15 : आलिया-रणबीरच्या 'ब्रह्मास्त्र'ने रचला इतिहास

मुंबई : रणबीर कपूर आणि आलिया भट्टच्या 'ब्रह्मास्त्र'ने इतिहास रचला आहे. 15व्या दिवशी (3रा शुक्रवारी) चित्रपटाने बॉक्स ऑफिसवर चांगली कमाई केली आहे. अंदाजानुसार, तिसऱ्या आठवड्याच्या पहिल्या दिवशी दुहेरी अंकी कमाई करणारा 'ब्रह्मास्त्र' बॉलिवूडच्या इतिहासातील पहिला चित्रपट ठरला आहे.

ब्रह्मास्त्राने इतिहास रचला
अयान मुखर्जीच्या 'ब्रह्मास्त्र'ने भारतीय चित्रपटांच्या इतिहासात आजपर्यंत जे घडले नाही ते करून दाखवलं आहे. रिलीजच्या तिसऱ्या शुक्रवारीही या चित्रपटाने जबरदस्त व्यवसाय केला आहे. या सिनेमाला राष्ट्रीय सिनेमा दिनाचा लाभ मिळाला आहे. ज्यामध्ये 23 सप्टेंबर रोजी एका दिवसासाठी तिकिटाची किंमत केवळ 75 रुपये करण्यात आली होती.

तिसऱ्या शुक्रवारी इतक्या कोटींची कमाई 
23 सप्टेंबरपर्यंत, ब्रह्मास्त्रने 3D आणि IMAX 3D आवृत्तींमध्ये 85 टक्के व्याप नोंदवला आहे. सिंगल स्क्रीन असो वा मल्टिप्लेक्स, अनेक ठिकाणी हा चित्रपट हाऊसफुल्ल होता. तिसर्‍या आठवड्यामुळे चित्रपटाचे बहुतांश शो आणि स्क्रीन्स कमी झाले असले तरी, अन्यथा कमाई आणखीनच जबरदस्त झाली असती. एका अहवालानुसार, सुरुवातीच्या आकडेवारीनुसार, चित्रपटाने 15 व्या दिवशी 9.75 ते 11.00 कोटींचा व्यवसाय केला आहे.

250 कोटींच्या जवळ पोहोचला
'ब्रह्मास्त्र'ने आजवर जे काम केले आहे, ते कोणत्याही बॉलिवूड चित्रपटाला करता आलेलं नाही. अशाप्रकारे आलिया-रणबीरचा हा चित्रपट 250 कोटींच्या जवळपास पोहोचला आहे. मात्र, शनिवारपासून म्हणजेच आजपासून तिकिटांचे दर पुन्हा पूर्वीप्रमाणेच होतील. त्यानंतर 16व्या दिवशी कमाई कमी होण्याची शक्यता आहे.