सोहा अली खान आणि कुणाल खेमूच्या घरी आली चिमुकली परी

मुंबई : कुणाल खेमू आणि सोहा अली खान यांच्या घरी एका चिमुकलीचे आगमन झाले आहे. अभिनेता कुणाल खेमूने ट्विटरच्या माध्यमातून ही गुडन्यूज चाहत्यांना दिली आहे.  

आम्ही सारे खूप आनंदामध्ये आहोत. आजच्या शुभदिवशी आमच्या घरी एका चिमुकलीचे आगमन झाले आहे. तुमचे प्रेम आणि आशिर्वादाचे आम्ही आभारी आहोत. असे सांगत कुणालने चाहत्यांचे आभार मानले. 

We are over the moon to share we have been blessed with a beautiful baby girl on this auspicious day Thank you for the love&blessings

— kunal kemmu (@kunalkemmu) September 29, 2017

कुणाल खेमूचा लवकरच 'गोलमाल अगेन' हा चित्रपट रसिकांच्या भेटीला येणार आहे. गोलमालच्या पहिल्या तीन भागांनी रसिकांना खळखळून हसवले. त्यानंतर चौथा भागाकडून रसिकांना अपेक्षा आहेत. त्यामुळे कुणाल खेमूचा आनंदही द्विगुणित झाला आहे.  
जानेवारी २०१५ मध्ये सोहा आणि कुणाल खेमु विवाहबद्ध झाले होते. आता तैमुर अली खानच्या जोडीला गोड बहीण आल्याने दोन्ही कुटुंबात आनंदाचे वातावरण आहे.