घटस्फोटानंतर सैफ अली खानने अमृता सिंगसोबत मैत्री करण्याची इच्छा केली व्यक्त

मुंबई : अमृता सिंग आणि सैफ अली खान यांचा ज्या पद्धतीने लग्नाचा निर्णय अतिशय धक्कादायक होता. तसंच त्यांच्या घटस्फोटाबद्दलही जाणून घेऊन लोकांनाही आश्चर्य वाटलं. दोघांनीही कोणाचीही पर्वा न करता लग्न केलं. दोघांच्या वयात बराच फरक असतानाही त्यांचं वेगळं होणं प्रत्येकासाठी धक्क्यापेक्षा कमी नव्हतं. पण नशिबाने त्यांची भेट आणि वेगळं होणं हे लिहून ठेवलं होतं, त्यामुळे ते तसंच राहिलं. पण अमृतापासून घटस्फोट घेतल्यानंतर सैफ अली खानने एकदा एक अतिशय धक्कादायक गोष्ट सांगितली, ज्यावर विश्वास ठेवणं खूप कठीण होतं.

दोघांमध्ये बराच वाद झाल्याने घटस्फोट झाला
खूप तणावातून गेल्यानंतर दोघांचं नातं तुटलं. विभक्त झाल्यानंतर जरी अमृता यावर कधी काही बोलली नसली तरी, मात्र सैफ अली खानने यांवर मौन तोडलं आणि यासाठी मोठ्या प्रमाणात अमृता सिंगला जबाबदार धरलं. रोजची भांडणं, बहीण-आईबद्दलच्या वाईट गोष्टी ऐकून कंटाळा आला होता. त्यामुळे हा निर्णय घ्यावा लागल्याचं त्याने कबूल केलं होतं.

त्याचबरोबर घटस्फोटादरम्यान सैफने अमृताला ५ कोटी रुपये रोख आणि बंगला दिला होता. घटस्फोटानंतर जेव्हा अमृताने सैफला आपल्या मुलांना भेटू दिलं नाही, तेव्हा अभिनेत्याने एका मुलाखतीत अमृताला बरंच काही सुनावलं होतं. अशात वर्षांनंतर सैफने मुलगी सारा अली खानसमोर असं काही सांगितलं जे ऐकून सगळेच थक्क झाले.

एका चॅट शोमध्ये सैफ अली खान म्हणाला की, मला अमृताची मैत्री हवी आहे. तसं होईल, अशीही त्याला आशा आहे. सैफने सारा अली खानसमोर हे सांगितलं होतं. मात्र, वेगळे झाल्यानंतर अमृता आणि सैफची एकदाच भेट झाली. तेही साराला परदेशात शिकण्यासाठी पाठवताना. याशिवाय अमृता तिच्या वैयक्तिक आयुष्यात व्यस्त असते आणि प्रसिद्धीपासून दूर राहते. जरी ती चित्रपटांमध्ये काम करताना दिसते.