केस विंचरताना तुमचेही केस गळतात? मग तुमच्या 'या' चुका आहेत जबाबदार

मुंबई : बऱ्याच महिला केस गळतीच्या समस्यांपासून त्रस्त आहेत. जर तुमचेही केस विंचरताना तुमचे केस गळत असतील, तर तुम्हाला तुमच्या काही सवयी बदलाव्या लागतील, कारण अनेकदा तुम्ही अशा काही चुका करत असता, ज्यामुळे केस गळण्याची समस्या उद्भवते. या खूप छोट्या सवयी आहेत, परंतु आम्ही तुम्हाला सांगतो की, याद्वारे तुम्ही स्वतःचे मोठे नुकसान करत आहात. चला तर मग जाणून घेऊया तुम्ही कोणत्या चुका करत आहात.

ओले केस

जर तुम्ही ओल्या केसांना विंचरत असाल तर ही सवय ताबडतोब बदला, कारण यामुळे तुमचे केस गळायला लागतात. वास्तविक, जेव्हा तुम्ही ओल्या केसांना कंगवा करता तेव्हा तुमचे केस खूप कमकुवत होतात, तेव्हाच केस गळण्याच्या समस्या उद्भवतात. ही चूक वारंवार केल्यास केस पातळ होण्याची शक्यता असते.

ओल्या केसांना बांधणे

याशिवाय अनेक अशा महिला आहे, ज्यांना ओल्या केसांची वेणी घालण्याची किंवा त्यांना बांधण्याची सवय असते, आम्ही तुम्हाला सांगतो की असे केल्याने तुम्ही तुमचे केस आणखी कमकुवत करत आहात. शिवाय ओल्या केसांमध्ये पोनीटेल बनवल्याने केवळ केसांमध्ये वासाची समस्याच नाही, तर खाजही येणं सुरू होतं. अशा परिस्थितीत केसांशी संबंधित अनेक समस्यांना तोंड द्यावे लागते.

केस धुतल्यानंतर झोपणे

काही लोकांना केस धुतल्यानंतर झोप येते. तुम्हीही असे करत असाल तर ही सवय सुधारा. कारण केस धुल्यानंतर लगेच झोपणे योग्य नाही. त्यामुळे थंडी वाजणे किंवा सर्दी होण्याच्या समस्या देखील उद्भवू शकतात. याशिवाय केसांमध्ये बॅक्टेरिया वाढण्याची भीती असते.

ओल्या केसांवर स्टाइलिंग टूल्स वापरणे

ओल्या केसांमध्ये स्टायलिंग टूल्स अजिबात वापरू नयेत. यामुळे तुमचे केस गळायला लागतील. एकूणच तुम्हाला या सवयी सुधाराव्या लागतील, तरच तुम्ही केस तुटण्याच्या समस्येपासून मुक्त होऊ शकता.

(विशेष सूचना:  इथे दिलेली माहिती सामान्य माहितीवर आधारित आहे. झी 24 तास याची कोणतीही खातरजमा करत नाही. आमचा उद्देश फक्त तुम्हाला माहिती देणं आहे.)