पेट्रोल-डिझेल स्वस्त झालेच नाही, एका हाताने दिले एका हाताने काढून घेतले

नवी दिल्ली :  भडकलेल्या इंधनाच्या दरांमध्ये या अर्थसंकल्पात सवलत मिळेल, अशी सर्वसामान्यांना अपेक्षा होती. मात्र अरूण जेटलींनी ही अपेक्षा पूर्ण केलेली नाही. पेट्रोल-डिझेलवरच्या दरात एका हातानं देऊन दुसऱ्या हातानं काढून घेण्याचा प्रकार सरकारनं केलाय. 

उत्पादन शुल्क 2 रुपयांनी कमी करण्यात आलं तर 6 रुपयांचं अतिरिक्त उत्पादन शुल्क रद्द करण्याची घोषणा अर्थसंकल्पात करण्यात आली. मात्र त्याच वेळी पेट्रोल-डिझेलवर 8 रुपयांचा रस्ते आणि पायाभूत सुविधा अधिभार लादण्यात आलाय. त्यामुळे उत्पादन शुल्क कमी झाल्यानंतरही ग्राहकांना कोणताच दिलासा मिळालेला नाही... 

 अर्थसंकल्पात सरकारने मोठा निर्णय घेतला होता त्यानुसार पेट्रोल-डिझेल स्वस्त झाल्याच्या बातम्या प्रसार माध्यमात प्रसिद्ध करण्यात आल्या. परंतु, अर्थसंकल्पाचा संपूर्ण अर्थ लावला असता ही आनंदाची बातमी काही क्षणाची राहिली. 

या आधारावर ठरतात पेट्रोल-डिझेलचे दर

तेल बाजारात कंपन्या तीन आधारांवर पेट्रोल-डिझेलचे दर निश्चित करतात. पहिले आंतरराष्ट्रीय बाजारात क्रूड(कच्च्या तेलाचे भाव), दुसरा देशात इम्पोर्ट करताना भारतीय रूपयाची डॉलरच्या तुलनेत किंमत, त्यानंतर तिसरे म्हणजे आंतरराष्ट्रीय बाजारात पेट्रोल-डिझेलचे काय दर आहेत.