ITR refund : ITR रिटर्नवर मिळतं व्याज, तुम्हाला हे 5 फायदे माहिती हवेत

ITR Return : 31 जुलै 2022 पर्यंत 5.44 कोटी पेक्षा जास्त ITR रिटर्न भरले गेले होते, ही आयकर परतावा भरण्याची शेवटची तारीख होती. ज्या करदात्यांना कोणत्याही कारणाने रिटर्न ITR भरता आले नाही ते आता दंड भरून रिटर्न भरत आहेत. या सगळ्यामध्ये ज्यांनी रिटर्न भरले आहेत त्यांना आता रिफंड मिळण्याची प्रतीक्षा आहे. रिफंड मिळण्याची आतुरतेने वाट पाहणाऱ्या लोकांपैकी तुम्हीही असाल, तर आम्ही तुम्हाला रिफंडशी संबंधित पाच महत्त्वाच्या माहिती देणार आहोत, ज्या कदाचित तुम्हाला माहीत नसतील.

१. परताव्यासाठी पात्रता: आयकर विभागाने निर्दिष्ट केलेल्या देय तारखेला किंवा नंतर आयटीआर दाखल करणारे करदाते आयटीआर परताव्यासाठी पात्र आहेत.

२. ITR परताव्यावर व्याज: जर करदात्याने 31 जुलै 2022 च्या देय तारखेच्या आत ITR दाखल केला असेल, तर त्याला 1 एप्रिल 2022 पासून ITR परताव्यावर व्याज मिळेल.

३. आयटीआर रिफंडवरील व्याजदर: रिटर्न भरण्याच्या दिलेल्या तारखेच्या आत आयटीआर फाइल करणारे करदाते त्यांच्या आयटीआर परताव्याच्या रकमेवर 0.50 टक्के मासिक व्याजासाठी पात्र आहेत.

४. आयटीआर रिफंडवरील कर नियम: आयटीआर परतावा रक्कम ही एक मिळकत आहे जी करदात्याने संबंधित आर्थिक वर्षात आधीच नोंदवली आहे. म्हणून, आयटीआर परतावा रकमेवर कर आकारला जात नाही. व्यक्तीच्या निव्वळ वार्षिक उत्पन्नासह व्याजाची रक्कम जोडल्यानंतर आयटीआर परताव्याच्या रकमेवर मिळणाऱ्या व्याजावर करदात्यावर लागू असलेल्या आयकर स्लॅबनुसार कर आकारला जातो.

५. आयटीआर परताव्यावरील व्याजाची गणना: जर करदात्याने आयटीआर भरण्यासाठी दिलेल्या तारखेमध्ये आयटीआर भरण्यात अयशस्वी झाल्यास, तो उशीरा दंड भरून आयटीआर दाखल करू शकतो. ज्यांनी 31 जुलै 2022 नंतर ITR दाखल केला असेल त्याला 1 एप्रिल 2022 पासून ITR परताव्यावर व्याज मिळणार नाही.