कर्नाटक संघर्ष : मुख्यमंत्री कुमारस्वामी विश्वासदर्शक ठराव मांडण्याच्या तयारीत
कर्नाटकातील सरकार कोसळणार अशी स्थिती विरोधकांकडून करण्यात आली आहे.
)
बंगळुरु : काँग्रेस आणि जेडीएसच्या बंडखोर आमदारांनी राजीनामे दिल्यामुळे सरकारबाबत संभ्रम निर्माण झाला असतानाच एका बंडखोर आमदारांने आपण सरकारबरोबर असल्याचे संकेत दिले आहेत. त्यामुळे आणखी आमदारांचे बंड शमण्याची शक्यता वर्तविण्यात येत आहे. कर्नाटकातील सरकार कोसळणार अशी स्थिती विरोधकांकडून करण्यात आली होती. दरम्यान, आपण विश्वास दर्शक ठरावाला आपण सामोरे जाणार असल्याचं कर्नाटकचे मुख्यमंत्री एच डी कुमारस्वामी यांनी स्पष्ट केले आहे. त्यामुळे आता कर्नाटकात काय होणार, याचीच जास्त चर्चा आहे.
DK Shivakumar, Congress: We should live together and die together because we have worked for 40 years for the party, there are ups and downs in every family. We should forget everything and move forward. Happy that MTB Nagaraj(rebel MLA) has assured us he will stay with us pic.twitter.com/hTd2L4rO2J
— ANI (@ANI) July 13, 2019
मुख्यमंत्री एच डी कुमारस्वामी म्हणालेत, आपण सर्व प्रकारच्या परिस्थितीला तोंड देण्यासाठी तयार आहोत. आपण स्वेच्छेने विश्वासदर्शक ठराव मांडणार असल्याची घोषणा कुमारस्वामी यांनी विधानसभेत केली. त्यांच्या या घोषणेनंतर भाजपनेही आपल्या आमदारांना दोन वेगवेगळ्या हॉटेल्समध्ये रवाना केले आहे. त्यामुळे भाजपचे आमदार सत्ताधारी जेडीएस-काँग्रेस मैत्री सरकार फोडणार का, याचीही उत्सुकता आहे. त्यामुळे भाजपने सावध भूमिका घेत आमदारांना हॉटेलमध्ये ठेवले आहे.
Rebel Congress MLA MTB Nagaraj: Situation was such that we submitted our resignations but now DK Shivakumar and others came and requested us to withdraw resignations,I will speak to K Sudhakar Rao& then see what is to be done,after all I have spent decades in Congress. #Karnataka pic.twitter.com/6M3Xi8zKkB
— ANI (@ANI) July 13, 2019
आपल्याला एकत्र राहायचे आहे आणि एकत्रच मरायचे आहे, असे आवाहन काँग्रेसचे ज्येष्ठ नेते आणि मंत्री डी. के. शिवकुमार यांनी बंडखोर आमदारांना केले आहे. दरम्यान, एका बंडखोर आमदाराने शिवकुमार यांनी आमचे मन वळविण्यासाठी प्रयत्न केल्याचे म्हटले आहे. त्यामुळे बंड शमण्याची शक्यता वर्तविण्यात येत आहे.