SBI चा कोट्यवधी ग्राहकांसाठी नवीन अलर्ट, लवकर जाणून घ्या नाहीतर अडचणींचा सामना

मुंबई : SBI Alert : भारतीय स्टेट बँकेने (State Bank of India) आपल्या 44 कोटी ग्राहकांसाठी एक नवीन अधिसूचना  (New Notification) जारी केली आहे. यामध्ये 4 आणि 5 सप्टेंबर रोजी काही तासांसाठी इंटरनेट बँकिंगसह सुमारे 7 प्रकारच्या सेवा बंद राहणार आहेत. त्यामुळे आपल्याला अनेक समस्यांचा सामना करावा लागणार आहे. याबाबत तुम्हाला माहिती असणे अत्यंत आवश्यक आहे.

एसबीआयने केले ट्विट  

SBIने आपल्या अधिकृत ट्विटर अकाऊंटवरून ट्विट करत  म्हटले आहे की, 'देखभालीसाठी आज 4 सप्टेंबर रोजी रात्री 11:35 ते 5 सप्टेंबर रोजी दुपारी 01:35 पर्यंत कामे चालतील. या काळात इंटरनेट बँकिंग, YONO, YONO लाइट, YONO व्यवसाय आणि IMPS आणि UPI सेवा उपलब्ध होणार नाहीत.

We request our esteemed customers to bear with us as we strive to provide a better banking experience.#InternetBanking #YONOSBI #YONO #ImportantNotice pic.twitter.com/GXu3UCTSCu

— State Bank of India (@TheOfficialSBI) September 3, 2021

जुलै महिन्यातही सेवा विस्कळीत 

यापूर्वी, SBIने 16 आणि 17 जुलैसाठी असाच अलर्ट जारी केला होता, त्यानंतर या सेवा रात्री 10:45 ते दुपारी 1:15 (150 मिनिटे) उपलब्ध नव्हत्या. SBIने दिलेल्या माहितीनुसार, यूपीआय प्लॅटफॉर्म अपग्रेड करण्यासाठी या सेवांमध्ये व्यत्यय आला होता. आता ग्राहकांना चांगला अनुभव मिळेल. काम पूर्ण होताच सेवा पुन्हा सुरू करण्यात आली.

SBI Yono चे 3.5 कोटी यूजर्स

अनेक वेळा प्रत्येक बँकेकडून ग्राहकांना आगाऊ माहिती दिली जात आहे. कारण ते त्यांचे महत्वाचे काम वेळेत पूर्ण करतील. अधिकृत वेबसाइटनुसार, एसबीआय योनोकडे सध्या एकूण 3.5 कोटी नोंदणीकृत यूजर्स आहेत. इतक्या मोठ्या संख्येने ग्राहकांमुळे, SBI रात्रीच्या वेळी देखभालीचे काम करते जेणेकरून कमीतकमी ग्राहकांना त्याचा फटका बसेल. एसबीआयच्या एकूण यूपीआय वापरकर्त्यांची संख्या 13.5 कोटींपेक्षा जास्त आहे. यापैकी इंटरनेट बँकिंग ग्राहकांची संख्या  8.5 कोटी आणि मोबाईल बँकिंग यूजर्सची संख्या 1.9 कोटी आहे.