छातीशी लेकिला कवटाळून ही माय घरोघरी पोहोचवतेय जेवण, 'या' महिलेला पाहून डोळ्यात पाणी

Viral Video Of Zomato Delivery Agent: आई हा जगातला सर्वात सुंदर शब्द आहे. ईश्वराचं दुसरं रुप म्हणजे आई. केवळ 9 महिन्यांचा कठिण काळच नाही तर मुलाचं संगोपन करणं ही सुद्धा एक कठिण परीक्षा आहे.

नोकरी करणाऱ्या महिलांसाठी तर मुलांना सांभाळणं हे आव्हानच असतं. सध्या असाच एक व्हिडिओ सोशल मीडियावर व्हायरल होत आहे. Zomato डिलिव्हरी गर्लचा हा Video पाहून प्रत्येकाचे डोळे पाणावले. Zomato डिलिव्हरी गर्लचा हा व्हिडिओ सोशल मीडिया इंस्टाग्रामवर (Instagram) शेअर करण्यात आला आहे. 

काय आहे व्हायरल व्हिडिओत?
सोशल मीडियावर व्हायरल होणाऱ्या या व्हिडिओत एक Zomato डिलिव्हरी गर्ल पाठिवर फूड बॅग आणि छातीशी लेकीला कवटाळून फूड डिलिव्हरी करताना दिसत आहे. इतकंच नाही तर या महिलेचा पाच ते सहा वर्षांचा मुलगाही तिच्याबरोबर दिसतोय. या दोन मुलांना घेऊन कडक उन्हात, पावसाळ्यात फूड डिलिव्हरी करते. 

जेवणाची ऑर्डर देणाऱ्या एका ग्राहकाने या मुलांसह या महिलेला पाहिल्यावर तो क्षणभर स्तब्ध झाला आणि त्याने या महिलेचा व्हिडिओ बनवला. सोशल मीडिया यूजर सौरभ पंजवाणी यांनी आपल्या फूड चॅनेल अकाऊंटवर हा व्हिडिओ शेअर केला आहे. या व्हिडिओत त्याने महिलेला विचारलं तु दोन मुलांना घेऊन फूड डिलिव्हरीचं काम करतेस का, तेव्हा या महिलेनं हो असं उत्तर दिलं.

View this post on Instagram

A post shared by Saurabh Panjwani (@foodclubbysaurabhpanjwani)

व्हिडिओ पाहून लोकांचे डोळे पाणावले
व्हायरल होणारा हा व्हिडिओ आता पर्यंत 10 लाख लोकांनी पाहिला आहे. हा व्हिडिओ पाहून अनेकांजण भावूक झालेत तर अनेकांचे डोळे पाणावले. या व्हिडिओवर अनेक प्रतिक्रियाही आल्या आहेत. या व्हिडिओतून प्रेरणा मिळाल्याच्या कमेंट अनेक जणांनी केल्या आहेत. युजर्सने फूड डिलिव्हरी कंपनी झोमॅटोचंही कौतुक केलं आहे.