'फ्युनिक्यलर ट्रॉली' लोकार्पण : सप्तश्रृंगी दर्शनाला ३ मिनिटांत

नाशिक : वणीच्या फ्युनिक्यलर ट्रॉली प्रकल्पाच्या लोकार्पण सोहळयास अखेर मुहूर्त मिळालाय. आज मुख्यमंत्री देवेंद्र फडणवीस यांच्या हस्ते वणीच्या सप्तश्रृंगगडावरील 'फ्युनिक्युलर ट्रॉली' चे लोकार्पण संपन्न होत आहे. यामुळे हजारो वृध्द, अपंग भाविक सोमवार पासून देवी मंदीरापर्यंत सहजतेने पोहचून आदिमाया सप्तश्रृंगी चरणी नतमस्तक होवू शकणार आहे. २००९ मध्ये आघाडी सरकारच्या काळात उपमुख्यमंत्री असलेले छगन भुजबळ यांच्या हस्ते कामाचा शुभारंभ झाल्यानंतर नऊ वर्षानी आज ट्रॉलीचे उदघाटन होत आहे.

..म्हणून सोहळा लांबणीवर

गेल्या सहा महिन्यांपासून तांत्रिक कारणे, विविध विभागाच्या परवानग्या, मुख्यमंत्र्यांचे संभाव्य दौरे रद्द होणे, आचार संहिता अशा या ना त्या कारणांमुळे 'फनिक्युलर ट्रॉलीचा' लोकार्पण सोहळा लांबणीवर पडला होता.