आरोग्य सेतू ऍपची सरकारला मोठी मदत; ३०० इमर्जिंग हॉटस्पॉटची दिली माहिती
दोन उद्देशाद्वारे सरकारला ऍपची मदत
)
मुंबई : कोरोना व्हायरसच्या रूग्णांची माहिती देण्यासाठी सरकारने आरोग्य सेतू ऍप लाँच केलं आहे. आरोग्य सेतू ऍपने कोविड-१९ चा प्रसार रोखण्यासाठी महत्वपूर्ण भूमिका बजावली आहे. या ऍपच्या मदतीने अधिकाऱ्यांना देशभरात ६५० हॉटस्पॉट आणि ३०० नव्याने उदयाला येणाऱ्या हॉटस्पॉटची माहिती दिली.
दोन एप्रिल रोजी ऍप लाँच केल्यानंतर आरोग्य सेतू हे ऍप ९.६ करोड लोकांनी डाऊनलोड केलं. हे ऍप विश्वात पाच करोड युझर्सकडे सर्वात जलद पोहोचणारं मोबाईल ऍप बनलं. त्यानंतर या ऍपने १० करोड लोकांची पसंती मिळवली.
Niti Aayog CEO Amitabh Kant said Aarogya Setu app alerted the government about more than 650 hotspots across the country and over 300 emerging hotspots which could have been missed otherwise
Read @ANI story | https://t.co/dABZ1NyM7a pic.twitter.com/nOVT3isSiZ
— ANI Digital (@ani_digital) May 9, 2020
आरोग्य सेतू ऍप हे दोन उद्देशांच्या माध्यमातून सरकारची मदत करतं. या ऍपचे दोन उद्देश म्हणजे 'कुणाची चाचणी करायची आहे?' आणि 'कुठे जास्त तपासणी करायची आहे?' एएनआयला बोलताना नीति आयोगाच्या मुख्य कार्यकारी अधिकारी, सीईओ अमिताभ कांतने सांगितलं की,'महाराष्ट्रात या ऍपच्या मदतीने १८ जिल्ह्यात ६० कोरोना हॉटस्पॉटची माहिती मिळाली. देशभरात १३ एप्रिल ते २० एप्रिलच्या दरम्यान या ऍपने उप-पोस्ट ऑफिस स्तरावर १३० हॉटस्पॉट होण्याची माहिती अगोदरच दिली.'
आरोग्य सेतू ऍपद्वारे देशभराती ६५० हून अधिक हॉटस्पॉट आणि ३०० हून अधिक इमर्जिंग हॉटस्पॉटची माहिती दिली. या ऍपने माहिती दिली नसती तर ते कोरोनाचा धोका सर्वाधिक असता.