भाजपसह 8 पक्षांना निवडणूक आयोगाची नोटीस

मुंबई : राज्यातल्या भाजपसह इतर आठ पक्षांना राज्य निवडणूक आयोगानं नोटीस पाठवली आहे. या पक्षांची नोंदणी रद्द करण्याबाबत ही नोटीस पाठवण्यात आली आहे. 

या पक्षांनी आयकर विवरण पत्र सादर न केल्यामुळे निवडणूक आयोगानं हे पाऊल उचललं आहे. 9 सप्टेंबरपर्यंत भाजपसह इतर 8 पक्षांना मुदत देण्यात आली आहे, अन्यथा या पक्षांची नोंदणी रद्द करण्यात येणार आहे.