जे एन पी टी वाचवण्यासाठी मनसेचे फिल्मी पोस्टरच्या माध्यमातून कॅम्पेन

मुंबई : मागच्या कित्येक वर्षापासून मनसे सांगत आली आहे की जे.एन.पी.टी हा केवळ मुंबईचे सागरी वर्चस्व संपवण्याचा डाव आहे. शेकडो वर्षापासून जगातल्या कुठल्याही कोपऱ्यातून येणारी जहाजे मुंबई बंदरावरच माल उतरवतात. मुंबईचे बंदर हे मुंबईची आर्थिक राजधानी असण्याच्या कारणांमधले एक कारण. हे महत्व कमी करण्यासाठी दुसरे मोठे बंदर पर्याय म्हणून उभे करणे गरजेचे असल्याने गुजरातमधील बंदरे विकसित केली गेली. मग ती मुंद्रा असो की कांडला असो की हाझिरा पोर्ट असो. पण हा लगोलग तर मुंबई पोर्ट ट्रस्टवरचा ट्राफिक तिकडे वळता करता येणार नाही म्हणून मुंबई बंदर हे रहदारी, रस्ते, गोदामांच्या नसलेल्या सुविधा अशी कारणे देऊन नालायक ठरवले गेले. आणि मोठी जागा गरजेची म्हणून जे.एन.पी.टी चे घोडे पुढे दमटले.