PHOTO : वडील मजूर, तुटलेल्या भाल्याने सराव; देणग्या गोळा करुन घेतली Javelin, आज आहे ऑलिम्पिकचा चॅम्पियन
Javelin Arshad Nadeem Profile : गोल्डन बॉय नीरज चोप्रासोबत सध्या चर्चा सुरु आहे ती पाकिस्तानचा ऑलिम्पिक चॅम्पियन अर्शद नदीमची जोरदार चर्चा सुरु आहे. ऑलिम्पिक रेकार्ड आणि गोल्ड मेडलचा हा प्रवास अर्शदसाठी सोपा नव्हता. तुम्हाला जाणून आश्चर्य वाटेल की, पॅरिस ऑलिमिकमध्ये सहभागी होण्यासाठी त्याला लोकांकडून पैसे घेऊन प्रशिक्षण करावे लागेल होते.
1/9
2/9
ऑलिम्पिकमध्ये विश्वविक्रम रचत अर्शद नदीमने 32 वर्षांनंतर आपल्या देशाला ऑलिम्पिक पदक मिळवून दिलंय. पाकिस्तानचा ऑलिम्पिकमधील पदकांचा इतिहास पाहिला तर शेजारी देशाने शेवटचं पदक हे 1992 मध्ये जिकंल होतं. 1992 बार्सिलोना ऑलिम्पिकमध्ये पाकिस्तान हॉकी संघाने पुरुषांमध्ये कांस्यपदक पटकावलं होतं. त्यानंतर पाकिस्तानला एकही पदक आजपर्यंत मिळालं नव्हतं.
3/9
अर्शद नदीम ज्या पार्श्वभूमीतून आलाय, त्या पार्श्वभूमीवर जगज्जेता बनणे हे स्वप्नापेक्षा कमी नाही. 2 जानेवारी 1997 ला मियां चुनुन इथे जन्मलेल्या अर्शदचं वडील मजूर होते. अर्शदचे प्रशिक्षण घेण्यासाठी वडिलांकडे पुरेसे पैसे नव्हतं, पण मुलाने हार मानली नाही. अर्शद लहान असताना वडिलांसोबत 'नेजाबाजी' पाहायला जायचा. या खेळात अनेक खेळाडू हातात लांबलचक काठी घेऊन जमिनीवर ठेवलेली खूण उचलतात. नदीमला हा खेळ इतका आवडला की त्याने त्यात प्रशिक्षण घ्यायला सुरुवात केली, पण दरम्यानच्या काळात भालाफेकने त्याला आकर्षित केलं.
4/9
5/9
6/9
घरची परिस्थिती पाहून अर्शदचे स्वप्न सरकारी नोकरीचे होतं. त्याने स्पोर्ट्स कोटा अंतर्गत पाकिस्तान वॉटर अँड पॉवर डेव्हलपमेंट अथॉरिटीसाठी चाचण्या देखील दिल्या होत्या. मात्र त्याच्या प्रतिभेची चाचणी पाकिस्तानच्या स्टार भालाफेकपटू सय्यद हुसैन बुखारीने केली. सय्यद बुखारी यांनी अर्शद नदीमला सरकारी नोकरी मिळवून दिली. यासोबतच अर्शदला प्रशिक्षण सुरू ठेवण्यास सांगण्यात आलं.
7/9
8/9
पॅरिस ऑलिम्पिकसाठी रवाना होण्यापूर्वी अर्शद नदीमने पाकिस्तान सरकारकडे आपली व्यथा मांडली होती. अनेक वर्षांपासून तो आंतरराष्ट्रीय स्तरावरील खेळत असतानाही नवीन भाला खरेदी करू शकलेला नाही. जुन्या आणि जीर्ण झालेल्या भाल्यासह त्याने प्रशिक्षण सुरू ठेवले. त्याला नवीन भाला देण्याची विनंतीही त्यांनी पाकिस्तान सरकारला केली होती.
9/9
