वर्ल्ड कपमध्ये टीम इंडियाच्या जर्सीचा इतिहास, 31 वर्षात असा बदलला रंग आणि डिझाइन
World Cup 2023 : एकदिवसीय विश्वचषकाची सुरुवात 1975 मध्ये झाली. त्यावेळी पांढऱ्या कपड्यातच क्रिकेट खेळलं जायचं. क्रिकेटला खरा रंग मिळाला तो 1992 मध्ये पहिल्यांदा एकदिवसीय वर्ल्ड कपमध्ये रंगीत कपड्यांचा वापर सुरु करण्यात आला. त्यानंतर प्रत्येक वर्ल्ड कपसाठी टीम इंडियाच्या जर्सीमध्ये थोडेफार बदल होत गेले. आता 2023 च्या वर्ल्ड कपसाठी बीसीसीआयने टीम इंडियाची जर्सी लाँच केली आहे. गेल्या 31 वर्षात सात खेळल्या गेलेल्या वर्ल्ड कप स्पर्धेत भारतीय संघाची जर्सीचा रंग आणि डिझाइन कशी बदलत गेली ते पाहूयात.