#World Yoga Day 2019 : आता ट्रेंड 'जलयोगा'चा

मुंबई : पंतप्रधान नरेंद्र मोदींनी योगाविद्या आणि योगसाधनेचे महत्व पटवून देत, २०१४ साली झालेल्या संयुक्त राष्ट्रांच्या महासभेत २१ जून हा दिवस 'आंतरराष्ट्रीय योग दिन' म्हणून साजरा करण्याचा प्रस्ताव मांडला आणि संयुक्त राष्ट्रांनी या प्रस्तावास मान्यता दिली. याच पार्श्वभुमीवर उद्या जगभरात 'योग दिवस' साजरा करण्यात येणार आहे. आताच्या युगात योगाला अनन्यसाधारण महत्त्व प्राप्त झाले आहे. योगसाधना अनेकजण करतात पण पाण्यात तासन् तास बसून एक व्यक्ती योगा करत असल्याचे समोर येत आहे. आग्रा येथील हरेश चतुर्वेदी यांनी चक्क पाण्यात झोपून योगा केला आहे.