1/12
पा
अमिताभ बच्चनला नव्याने अभिनय क्षेत्रात आणणारा सिनेमा म्हणजे पा.. पा सिनेमात चक्क अमिताभ आपल्या खऱ्या मुलाच्या मुलाची भूमिका केली होती. असा प्रकार यापूर्वी कधीच घडला नव्हता. बाप-लेक नात्यावरच्या या सिनेमात ६७ वर्षांच्या अमिताभने १२ वर्षीय प्रोजेरियाग्रस्त मुलाची भूमिका साकारली होती. या सिनेमासाठी अमिताभला तिसऱ्यांदा राष्ट्रीय पुरस्कार मिळाला. या सिनेमात अमिताभ ओळखूच येत नव्हता इतका त्यांच्या व्यक्तिरेखेत बदल केलेला होता.
2/12
सरकार
अमिताभ बच्चनच्या अस्तित्वाचा ७० मिमीच्या पडद्यावर काय दरारा असतो, हे सरकारमध्ये पुन्हा दिसून आलं. गॉडफादर शैलीतल्या या सिनेमान अमिताभने कमीत कमी संवादांतून आपली जरब दाखवून दिली. या सिनेमात आपला मुलगा अभिषेक बच्चन याच्यासोबत अमिताभने काम केलं. तरी अभिनयात आपणच बाप आहोत, हे त्याने काहीही न बोलता सांगितलं.
3/12
ब्लॅक
वाढतं वय हे एका अकड्यापलिकडे आपल्या लेखी काही नसल्याचं अमिताभने दाखवून दिलं होतं. तरुण वयात अमिताभला प्रसिद्धी देणाऱ्या अँग्री यंग मॅन व्यक्तिरेखेमुळे त्याला ज्या प्रकारच्या भूमिका करता आल्या नव्हत्या, त्या अमिताभला आता करायला मिळू लागल्या. संजय लीला भन्साळीचा ब्लॅक हा सिनेमा अमिताभसाठी प्रचंड अव्हानात्मक होता. यात अमिताभने आपल्या कारकीर्दीतला सर्वोत्कृष्ट अभिनय केला होता.
4/12
बाग़बान
आयुष्याच्या उत्तरार्धात पत्नीपासून विलग होऊन मुलांकडे राहाणाऱ्या रोमँटिक वृद्ध माणसाच्या भूमिकेने अमिताभ बच्चनची जादू पुन्हा दाखवून दिली. हेमा मालिनीचं सौंदर्य आणि अमिताभचा पडद्यावरील रुबाब या सिनेमाला सुपरहिट करून गेला. हा सिनेमा अबालवृद्धांना आवडून गेला आणि म्हातारपणीही आपल्या वयाच्या योग्यतेच्या प्रमुख भूमिका मिळणारा अमिताभ पहिला चमत्कार ठरला.
5/12
6/12
7/12
8/12
दीवार
अंग्री यंग मॅनची जादू या सिनेमाने पुन्हा दाखवून दिली. भावनांचा कल्लोळ आणि आतमध्ये धुमसती आग असलेलं विजयचं पात्र अमिताभ बच्चनने दीवारमध्ये साकारलं. या सिनेमाने १९७५ सालचं सर्वोत्कृष्ट सिनेमाचं पारितोषिक पटकावलं. या सिनेमासाठी अमिताभला सर्वोत्कृष्ट अभिनेत्याचं नामांकनही फिल्मफेअरमध्ये मिळालं होत.
9/12
शोले
भारतीय सिनेजगतातील मौलाचा दगड ठरलेला सिनेमा म्हणजे ‘शोले’. रमेश सिप्पी यांचं महाकाव्य ठरलेल्या शोले सिनेमात मनोरंजनाचा पूर्ण मसाला होता. यात पुन्हा अमिताभ जया एकत्र होते. पण लोकांना आवडली ती अमिताभची धर्मेंद्रसोबतची ‘जय-वीरू’ची जोडी. ‘ब्रिटीश फिल्म इन्स्टिट्यूट’च्या मतदानातही ‘टॉप १० भारतीय सिनेमां’मध्ये शोलेचा नंबर वरचा लागतो.
10/12
11/12
12/12
