ऑस्ट्रेलिया दौऱ्यावर गेलेल्या या भारतीय क्रिकेटरच्या वडिलांचं निधन
भारतीय क्रिकेटर क्वारंटाईन असल्याने भारतात परतण्याच्या शक्यता कमीच...
)
मुंबई : आयपीएल २०२० मध्ये चमकदार कामगिरी करणारा मोहम्मद सिराजच्या वडिलांचं निधन झालं आहे. टीम इंडियाचा हा वेगवान गोलंदाज सध्या ऑस्ट्रेलियामध्ये बॉर्डर-गावस्कर ट्रॉफीसाठी गेला आहे. सिराजच्या वडिलांचं ५३ व्या वर्षी निधन झाले आहे. ते फुफ्फुसांच्या आजाराने ग्रासले होते. वडिलांनी सिराजच्या यशामध्ये महत्वाची भूमिका निभावली आहे आणि कठीण परिस्थिती असूनही त्यांनी आपल्या मुलाच्या कारकीर्दीला पाठिंबा दर्शविला.
सिराजची आयपीएल टीम आरसीबीने ट्विट केले आहे की, “वडील गमावलेल्या मोहम्मद सिराज आणि त्याच्या कुटुंबासाठी आम्ही प्रार्थना आणि शोक व्यक्त करतो. संपूर्ण आरसीबी कुटुंब या कठीण काळात तुमच्या सोबत आहे. मियां, खंबीर राहा.'
Our heartfelt prayers and condolences go out to Mohammed Siraj & his family, on the loss of his father. The entire RCB family is with you during this difficult time. Stay strong, Miyan
— Royal Challengers Bangalore (@RCBTweets) November 20, 2020
हर्षा भोगले म्हणाले की, 'मोहम्मद सिराज आणि त्यांच्या कुटुंबीयांबद्दल माझी संवेदना. त्याने मला यूएईमध्ये सांगितले होते की, त्याच्या कामगिरीमुळे त्याचे वडील किती खूश आहेत. त्याला सामर्थ्य मिळावे.'
My heart goes out to Mohammad Siraj and his family. Life can be cruel. He spoke in the UAE about the joy that his father felt at his performance. I wish him strength.
— Harsha Bhogle (@bhogleharsha) November 20, 2020
क्वारंटाईनच्या नियमामुळे सिराज वडिलांच्या अंत्यविधीसाठी हैदराबादला येऊ शकणार नाही. अशी माहिती मिळते आहे. १३ नोव्हेंबरला ऑस्ट्रेलियात पोहोचल्यानंतर सध्या भारतीय संघ १४ दिवसांच्या क्वारंटाईन कालावधीत आहे. भारत आणि ऑस्ट्रेलिया दरम्यान पहिला कसोटी सामना १७ डिसेंबरपासून एडिलेट ओव्हल येथे खेळला जाणार आहे.