Worlds Menopause awareness month : शारीरिक संबंधांदरम्यान वेदना आणि...; सर्व्हेक्षणातून Menopause बाबत मोठी गोष्ट उघड

मुंबई : ऑक्टोबरमध्ये Worlds Menopause awareness month म्हणून साजरा करण्यासाठी येतो. प्रत्येक महिलेला तिच्या आयुष्यात मेनोपॉज म्हणजेच रोजनिवृत्तीला सामोरं जावं लागतं. दरम्यान याच संदर्भात नुकतंच एक सर्व्हेक्षण करण्यात आलं. या सर्व्हेक्षणानुसार, 87 टक्‍के व्‍यक्‍तींना वाटते की, रजोनिवृत्तीचा महिलेच्या दैनंदिन जीवनावर लक्षणीय परिणाम होतो. तरीही, या विषयाबाबत फारशी चर्चा केली जात नाही. 

महिलेच्या आयुष्यात रजोनिवृत्ती हा एक असा टप्पा आहे, ज्याचा परिणाम सर्व महिलांवर त्‍यांच्‍या वयानुसार होतो. जीवनातील या वेगळ्या टप्प्याबाबत महिलांमध्‍ये जागरुकता वाढवणं आणि त्यांना पाठिंबा देणे हे गरजेचं आहे. जागतिक आरोग्यसेवा अग्रणी कंपनी अॅबॉटने  इप्सॉससोबत हे सर्व्हेक्षण केलं आहे.

रजोनिवृत्तीमुळे (जेव्‍हा मासिक पाळी कायमची थांबते) हार्मोन्‍समध्‍ये होणारे बदल सामान्‍यत: महिलांच्‍या वयाच्‍या चाळीशीमध्‍ये सुरूवात होतात. सरासरी भारतीय महिला पाश्चिमात्‍य देशांमधील महिलांच्‍या तुलनेत जवळपास 5 वर्षे लवकर रजोनिवृत्तीचा अनुभव घेतात. पाश्चिमात्‍य देशांमधील महिला जवळपास वयाच्‍या 46व्‍या वर्षी रजोनिवृत्ती अनुभवतात.  यामुळे अनेक शारीरिक, मानसिक आणि लैंगिक लक्षणं उद्भवू शकतात, ज्‍याचा जीवनाचा दर्जावर परिणाम होऊ शकतो. 

सर्वेक्षणामधून रजोनिवृत्तीचा जीवनाच्‍या विविध पैलूंवर होणारा परिणाम निदर्शनास आला

• या सर्वेक्षणामध्‍ये सात शहरांमधील 1200 हून अधिक व्‍यक्‍तींकडून माहिती घेण्‍यात आली. या सर्वेक्षणाचा जागरूकतेचं प्रमाण, समज आणि रजोनिवृत्तीदरम्‍यान महिलांना येणाऱ्या अनुभवांचं मूल्‍यांकन करण्‍याचा उद्देश होता. या सर्वेक्षणामध्‍ये 45 ते 55 वर्षे वयोगटातील महिला आणि कुटुंबातील सदस्‍यांचा समावेश होता. 
• 82 टक्‍के प्रतिसादकांचा विश्‍वास आहे की, रजोनिवृत्तीचा महिलांच्‍या वैयक्तिक आरोग्‍यावर परिणाम होऊ शकतो. अनेकांचा असा देखील विश्‍वास आहे की, रजोनिवृत्तीचा त्‍यांचं लैंगिक जीवन (78 टक्‍के), कौटुंबिक जीवन (77 टक्‍के), सामाजिक जीवन (74 टक्‍के) आणि कामकाज जीवन (81 टक्‍के) यावर देखील परिणाम होतो. 
• जवळपास 48 टक्‍के महिलांनी विविध रजोनिवृत्ती लक्षणं अनुभवल्‍याचं सांगितलं, जसं कमी प्रमाणात रक्तस्त्राव (59 टक्‍के), नैराश्य (56 टक्‍के), सेक्स करताना वेदना (55 टक्‍के) आणि मासिक पाळीत जास्त रक्तस्त्राव (53 टक्‍के). 
• जवळपास 84 टक्‍के लोकांना वाटतं की, रजोनिवृत्तीदरम्‍यान महिलांमध्‍ये अनेक बदल होतात, ज्‍यामुळे कुटुंबांनी त्‍यांची अधिक काळजी घेतली पाहिजे. 
• जवळपास 37 टक्‍के महिलांनी त्‍यांच्‍या रजोनिवृत्ती लक्षणांबाबत स्‍त्रीरोगतज्ञांशी सल्‍लामसलत केली. यापैकी जवळपास 93 टक्‍के महिलांनी लक्षणं दिसू लागल्यानंतर 3 महिने किंवा त्याहून अधिक कालावधीनंतर स्त्रीरोगतज्ञाचा सल्ला घेतला. स्त्रीरोगतज्ञाला भेट देणाऱ्यांपैकी 54 टक्‍के महिला 7 महिन्यांहून अधिक काळ डॉक्टरांकडे गेल्‍या.
• 79 टक्‍के लोकांचा विश्‍वास आहे की, महिलांना रजोनिवृत्तीबद्दल त्यांचे कुटुंब, मित्र किंवा सहकाऱ्यांशी चर्चा करण्यास अस्‍वस्‍थ वाटते. 62 टक्‍के महिला त्यांच्या कुटुंबाला त्यांच्या आरोग्याच्या समस्यांमुळे त्रास देऊ इच्छित नाहीत. 
• 76 टक्‍के महिलांनी सांगितलं की, त्यांनी रजोनिवृत्तीदरम्यान त्यांच्या माता आणि/किंवा मोठ्या बहिणींना कोणतीही विशिष्ट मदत घेण्‍याबाबत कधीही ऐकलं नव्हतं.
• सर्वेक्षण करण्‍यात आलेल्‍या 94 टक्‍के पतींना वाटले की, जागरूकता वाढवण्‍यासाठी अधिकाधिक महिलांनी रजोनिवृत्तीबाबत त्‍यांच्‍या अनुभवांबद्दल सांगितलं पाहिजे.
• 80 टक्‍के लोकांच्या म्हणण्यानुसार, भारतात रजोनिवृत्तीपेक्षा गर्भनिरोधक आणि वंध्‍यतेबाबत चर्चा अधिक सामान्‍य आहे, ज्‍यामधून रजोनिवृत्तीबाबतचा निषिद्ध आणि ‘कलंक’ दिसून येतो.