आश्चर्यकारक: धूळ खात पडल्या 174 क्लासिक कार, कोण आहे मालक?

मुंबई : एक व्यक्ती ज्याला व्हिंटेज कार गोळा करण्याचा शौक आहे, तो त्याच्या 174 कारचा संग्रह विकत आहे, कारण त्याला यापुढे लंडनमध्ये ती ठेवण्यासाठी जागा मिळत नाही. 1940 पासून आतापर्यंत या गाड्या स्थानिक कौन्सिलच्या गोदामात पार्क केल्या आहेत. परंतु परिषदेने आता त्याची जागा परत मागितली आहे, म्हणून मालकाने संपूर्ण संग्रह विकण्याचा निर्णय घेतला आहे, जो वर्षानुवर्षे धूळ खात पडला आहे.

द सनच्या अहवालानुसार, कार गोळा करण्याचा शौक असलेल्या मालकाने या संग्रहाची संपूर्ण किंमत £ 1 मिलियन म्हणजेच 10 कोटी रुपयांपेक्षा जास्त ठेवली आहे. या संग्रहातील कारची किंमत £ 100 ते 25,000 पर्यंत आहे. या गाड्यांमध्ये मर्सिडीज, पोर्श, बीएमडब्ल्यू, टोयोटा, एमजी ,एमजीए गाड्यांचा समावेळ आहे. सर्वात महागडी कार म्हणजे 1960 ची लाल रंगाची MG MGA स्पोर्ट्स कार, ज्याची किंमत 25 हजार पौंड आहे.

मालकाचा कौटुंबिक मित्र फ्रेडी फैसन हा संग्रह विकण्याचे काम करत आहे आणि पण त्याने मालकाचे नाव उघड केलेले नाही. 'हा स्थानिक व्यावसायिकाचा वैयक्तिक कार संग्रह आहे, जो त्याने गेल्या 10 वर्षांमध्ये गोळा केला आहे. आता त्यांच्याकडे या गाड्या पार्क करण्यासाठी जागा नाही, म्हणून त्यांनी तो विकण्याचा निर्णय घेतला आहे.

फ्रेडीने सांगितले की, व्यावसायिकाने हा संग्रह मर्सिडीज एसएल पासून सुरू केला. पुढे त्यांची आवड वाढत राहिली. त्यांना या गाड्या खूप आवडतात पण कौन्सिलने त्यांची 45,000 चौरस फूट वेअरहाऊस परत मागितले आहे. परिषद या जागेचा विकास करत आहे. त्याचबरोबर आज लंडनमध्ये एवढी मोठी इनडोअर स्पेस मिळणे कठीण आहे.

लंडन बार्न फाइंड्स द्वारे या क्लासिक कारचा लिलाव होणार आहे. यातील अनेकांकडे नंबरप्लेट नाहीत, तर काहींच्या किमती अद्याप ठरवलेल्या नाहीत. यातील अनेक कारचे कागदपत्रेही नाहीत.

या गाड्यांवर बर्याच काळापासून स्वच्छता न केल्याने धूळीचा जाड थर जमा झाला आहे. या कार चांगल्या स्थितीत आणि चालवण्यायोग्य असल्याचे सांगितले जाते. यापैकी काही 2016 पर्यंत वापरल्या गेल्या आहेत. फ्रेडीने त्याच्या यूट्यूब चॅनेलमध्ये म्हटले आहे की, 'मी माझ्या आयुष्यात यापूर्वी असे काहीही पाहिले नाही. मर्सिडीज, पोर्श, फोक्सवॅगन, बीएमडब्ल्यूसह अनेक क्लासिक कारचा हा एक उत्तम संग्रह आहे.