கிட்டத்தட்ட ஏழு ஆண்டுகளில் இல்லாத அளவிற்கு தங்கம் விலை கிடுகிடுவென அதிகரித்துள்ளதாக தகவல்கள் தெரிவிக்கின்றன.
ஈராக்கில் அமெரிக்கப் படைகளுக்கு எதிராக ஈரானின் பதிலடி கொடுக்கும் ஏவுகணைத் தாக்குதல்களைத் தொடர்ந்து, புதன்கிழமை தங்கத்தின் விலை 2 சதவீதமாக உயர்ந்து கிட்டத்தட்ட ஏழு ஆண்டுகளில் முதன்முறையாக 1,600 டாலர் உச்சவரம்பைக் கடந்துள்ளது.
Spot தங்கம் 0250 GMT என அவுன்ஸ் ஒன்றுக்கு 0.8% உயர்ந்து $1,585.80 டாலராக மதிப்பிடப்பட்டுள்ளது. இதற்கு முன் மார்ச் 2013-ல் இதன் மதிப்பு $1,610.90-ஆக இருந்ததாக கூறப்படுகிறது. ராய்ட்டர்ஸ் அறிக்கையின்படி, அமெரிக்க தங்க எதிர்காலம் 1% உயர்ந்து $1,589.30 டாலராக அதிகரிக்கலாம் என தெரிகிறது.
புதன்கிழமை அதிகாலையில், ஈராக் அமெரிக்கத் தலைமையிலான படைகள் மீது ஏவுகணைத் தாக்குதலை நடத்தியது, அதைத் தொடர்ந்து ஈராக்கில் அமெரிக்க தளங்களுக்கு எதிராக "இரண்டாவது சுற்று" தாக்குதல்கள் நடத்தப்பட்டன.
கடந்த வாரம் அமெரிக்க ட்ரோன் தாக்குதலில் கொல்லப்பட்ட தெஹ்ரானின் உயர்மட்ட இராணுவத் தளபதி கஸ்ஸெம் சோலைமானியின் இறுதிச் சடங்கிற்கு சில மணிநேரங்களுக்குப் பின்னர் ஈரானின் தாக்குதல் குறித்த தகவல் வெளியாகியுள்ளது. இந்த தொடர் தாக்குதல்கள் மத்திய கிழக்கில் ஒரு பரந்த யுத்தம் குறித்த அச்சத்தை உண்டாக்கியுள்ளது.
அமெரிக்க அதிபர் டொனால்ட் டிரம்ப் செவ்வாய்க்கிழமை பிற்பகுதியில் ஒரு ட்வீட்டில், தாக்குதல் மற்றும் சேதங்கள் குறித்து மதிப்பீடு நடந்து வருவதாகவும், புதன்கிழமை காலை அவர் ஒரு அறிக்கையை வெளியிடுவார் என்றும் குறிப்பிட்டிருந்தார் என்பது குறிப்பிடத்தக்கது.
இதனிடையே முதலீட்டாளர்கள் பாதுகாப்பான புகலிடங்களுக்கு திரண்டுள்ள நிலையில் தங்கத்தின் விலை எதிர்பார்க்கா அளவிற்கு மாற்றம் கண்டுள்ளது.. மற்ற விலைமதிப்பற்ற உலோகங்களுக்கிடையில், பல்லேடியம் நீடித்த விநியோக பற்றாக்குறையை குறித்தது, இது கடைசியாக 0.3% குறைந்து 2,045.08 டாலராக இருந்தது குறிப்பிடத்தக்கது.
ஆட்டோகேடலிஸ்ட் உலோகம் தொடர்ந்து மூன்றாவது அமர்வுக்கு ஒரு புதிய சாதனை விலையைத் தொட்டது. வெள்ளி அவுன்ஸ் ஒன்றுக்கு 0.8% உயர்ந்து 18.53 டாலராக உள்ளது, செப்டம்பர் தொடக்கத்தில் இது அதிகபட்சமாக $18.85-ஆக பதிவு செய்தது. பிளாட்டினம் 0.1% குறைந்து 970.25 டாலராக உள்ளது.
