உலகின் சக்திவாய்ந்த பெண்களின் பட்டியலை போர்ப்ஸ் வெளியிட்டுள்ளது (World's Most Powerful Women 2023). இதில் இந்திய நிதியமைச்சர் நிர்மலா சீதாராமனும் இடம்பெற்றுள்ளார். இதனுடன், வணிகத் துறையில் வேறுபட்ட நிலையை எட்டிய மேலும் மூன்று இந்தியப் பெண்களுக்கும் இடம் வழங்கப்பட்டுள்ளது.
நிதி அமைச்சர் நிர்மலா சீதாராமன் (Finance Minister Nirmala Sitaraman)
போர்ப்ஸ் பத்திரிக்கை வெளியிட்ட உலகின் சக்திவாய்ந்த 100 பெண்கள் பட்டியலில் இடம் பெற்றுள்ள நிர்மலா சீதாராமன் 32வது இடத்தைப் பிடித்துள்ளார். நிர்மலா சீதாராமன் மே 2019 இல் இந்தியாவின் முதல் முழுநேர நிதியமைச்சராக பதவியேற்றா. மேலும் கார்ப்பரேட் விவகார அமைச்சகத்தின் பொறுப்பையும் கையாளுகிறார். இந்தப் பட்டியலில் நிதி அமைச்சருடன் மேலும் மூன்று இந்தியப் பெண்களும் இடம்பெற்றுள்ளனர். அவர்களில் HCL நிறுவனத்தின் CEO ரோஷ்னி நாடார் மல்ஹோத்ரா, ஸ்டீல் அத்தாரிட்டி ஆஃப் இந்தியா தலைவர் சோமா மண்டல் மற்றும் பயோகான் நிறுவனர் கிரண் மஜும்தார் ஷா ஆகியோரும் அடங்குவர்.
டாப்-100 சக்திவாய்ந்த பெண்களில் இந்தியர்கள் இடம்பெற்றுள்ளனர்
| பெயர் | பதவி | தரவரிசை |
| நிர்மலா சீதாராமன் | நிதி அமைச்சர் | 32 |
| ரோஷ்னி நாடார் | HCL CEO | 60 |
| சோமா மண்டல் | SAIL CEO | 70 |
| கிரண் மஜும்தார் ஷா | பயோகான் நிறுவனர் | 76 |
ரோஷனி நாடார்: நிதியமைச்சர் நிர்மலா சீதாராமனுடன் மிகவும் சக்திவாய்ந்த பெண்களில் சேர்க்கப்பட்ட ரோஷனி நாடார் மல்ஹோத்ரா (Roshani Nadar), HCL நிறுவனர் மற்றும் தொழிலதிபர் ஷிவ் நாடார் அவர்களின் மகள் ஆவார். ஃபோர்ப்ஸின் கூற்றுப்படி, HCL டெக்னாலஜிஸின் தலைமை நிர்வாக அதிகாரியாக, நிறுவனத்தின் அனைத்து மூலோபாய முடிவுகளுக்கும் அவர் பொறுப்பு வகிக்கிறார். அவர் ஜூலை 2020 இல் தனது தந்தைக்குப் பிறகு இந்தப் பொறுப்பை ஏற்றுக்கொண்டார்.
சோமா மோண்டல் (Soma Mondal) : சோமா மோண்டல் இந்திய அரசுக்குச் சொந்தமான ஸ்டீல் ஆணையத்தின் (SAIL) முதல் பெண் தலைவர் ஆவார். 2021 ஆம் ஆண்டில் அவருக்கு இந்தப் பொறுப்பு வழங்கப்பட்டது. மேலும் சிறப்பு என்னவென்றால், சோமா மண்டலின் தலைமையின் கீழ், SAIL தொடர்ந்து லாபம் ஈட்டியது. அவரது தலைமையின் முதல் ஆண்டில், நிறுவனத்தின் லாபத்தில் மூன்று மடங்கு முன்னேற்றம் ஏற்பட்டது.
கிரண் மஜும்தார்-ஷா (Kiran Mazumdar-Shaw) : ஃபோர்ப்ஸ் பட்டியலில் இடம்பெற்றுள்ள கிரண் மஜும்தார்-ஷா, இந்தியாவின் பணக்கார பெண்களில் ஒருவர். உயிரி மருந்து நிறுவனமான பயோகான் 1978 ஆம் ஆண்டு அவரால் நிறுவப்பட்டது.
உலகின் முதல் 3 சக்திவாய்ந்த பெண்கள்
இந்த முறை உலகின் சக்திவாய்ந்த பெண்கள் பட்டியலில், ஐரோப்பிய ஆணையத்தின் தலைவர் உர்சுலா வான் டெர் லேயன் நம்பர் 1 இடத்தில் உள்ளார். இரண்டாவது இடத்தில் ஐரோப்பிய மத்திய வங்கியின் தலைவர் கிறிஸ்டின் லகார்டே உள்ளார். உலகின் மூன்றாவது சக்திவாய்ந்த பெண்மணியாக இந்திய வம்சாவளி அமெரிக்க துணை ஜனாதிபதி கமலா ஹாரிஸ் உள்ளார்.
மேலும் படிக்க | TNEB: மழை வெள்ள பாதிப்பினால் மின் கட்டணம் செலுத்தும் காலக்கெடு நீட்டிக்கப்படுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
