பராமரிப்பு பணி காரணமாக மின்சார ரெயில் சேவையில் மாற்றம்!!

சென்னை கடற்கரை மற்றும் கொருக்குப் பேட்டை இடையே உள்ள ரயில் பாதையில் பராமரிப்பு பணி நடைபெறுவதால் மின்சார ரெயில் சேவையில் நேரம் மாற்றப்பட்டுள்ளது.

சென்னை கடற்கரை மற்றும் கொருக்குப் பேட்டை இடையே உள்ள ரயில் பாதையில் பராமரிப்பு பணி நடைபெறுவதால் இன்று (வியாழக்கிழமை), நாளை (வெள்ளிக்கிழமை) மற்றும் நாளை மறுநாள் (சனிக்கிழமை) அன்று சில மின்சார ரெயில் சேவைகளில் மாற்றம் செய்துள்ளதாக தெற்கு ரயில்வே அறிக்கை வெளியிட்டுள்ளது. 

நேரம் மாற்றம் செய்துள்ள மின்சார ரெயில் அதன் விவரம்:-

கும்மிடிப்பூண்டி to சென்னை கடற்கரை:

இன்றும், நாளையும் இரவு 9.40 மணிக்கு புறப்படும் ரெயில் மாற்றுப்பாதையில் மூர்மார்க்கெட் வரும். 

பின்னர், வேளச்சேரி-ஆவடிக்கு இன்றும், நாளையும் இரவு 10.30 மணிக்கு புறப்படும் ரெயில் சென்னை கடற்கரை-ஆவடி இடையே பகுதியாக ரத்து செய்யப்பட்டுள்ளது.

கடற்கரை to அரக்கோணம்: 

நாளையும், 31-ந்தேதியும் நள்ளிரவு 1.20 மணிக்கு புறப்படும் ரெயில், மூர்மார்க்கெட்டில் இருந்து புறப்படும். 

சென்னை கடற்கரை to அரக்கோணத்துக்கு காலை 4.20, சென்னை கடற்கரை to திருவள்ளூருக்கு காலை 5.30, சென்னை கடற்கரை-ஆவடிக்கு காலை 10.30 மணிக்கு செல்லும் ரெயில்கள் நாளையும், நாளை மறுதினமும் ரத்து செய்யப்பட்டுள்ளன.

வேளச்சேரி to பொன்னேரி: 

நாளையும், நாளை மறுதினமும் வேளச்சேரி to பொன்னேரிக்கு அதிகாலை 4.45 மணிக்கு செல்லும் ரெயில் கடற்கரை to பொன்னேரி மற்றும் பொன்னேரி-வேளச்சேரிக்கு காலை 7 மணிக்கு செல்லும் ரெயில் பொன்னேரி to கடற்கரை இடையேயும், வேளச்சேரி to திருவள்ளூருக்கு காலை 5.30 மணிக்கு புறப்படும் ரெயில் கடற்கரை to திருவள்ளூர் இடையேயும், ஆவடி to வேளச்சேரிக்கு அதிகாலை 4.10, 4.25, 6.05 மணிக்கு புறப்படும் ரெயில்கள் ஆவடி to கடற்கரை இடையேயும், அரக்கோணம் to வேளச்சேரிக்கு அதிகாலை 4 மணிக்கு புறப்படும் ரெயில் அரக்கோணம் to சென்னை கடற்கரை இடையேயும் பகுதியாக ரத்து செய்யப்பட்டுள்ளன.

வேளச்சேரி to ஆவடி: 

வேளச்சேரி to ஆவடி-க்கு காலை 6.05 மணிக்கு புறப்படும் ரெயில் சென்னை கடற்கரையில் நிறுத்தி வைக்கப்பட்டு 15 நிமிடம் தாமதமாக அங்கிருந்து புறப்பட்டு செல்லும். ஆவடி to வேளச்சேரிக்கு காலை 7.10 மணிக்கு புறப்படும் ரெயில் 5 நிமிடம் காலதாமதமாக புறப்படும் என தெற்கு ரயில்வே அறிவித்துள்ளது.