ஒரு நாளின் தொடக்கம் தான் காலைநேரம், இந்த நேரத்தில் நாம் செய்யக்கூடிய ஆரோக்கியமான விஷயங்கள் தான் அன்றைய நாள் முழுக்க நம்மை உற்சாகமாக வைத்திருக்கிறது. நமது வேகமான வாழ்க்கையின் காரணமாக, நம்மில் பலர் சில மோசமான காலைப் பழக்கங்களைக் கடைப்பிடிக்கிறோம். அவை நமக்குத் தீங்கு விளைவிக்கிறது. நாம் கடைபிடிக்கக்கூடிய மோசமான பழக்கவழக்கம் நம்மீது உடனடி தாக்கத்தை ஏற்படுத்தாவிட்டாலும், பின்னாளில் நமது உடல் மற்றும் மன நலனை மோசமாக பாதிக்கின்றது. இப்போது நாம் கைவிட வேண்டிய பழக்கவழக்கங்களை பற்றி பார்ப்போம்.
1) தொழில்நுட்பம் நம்மை அடிமைப்படுத்திவிட்டது, அதிலும் குறிப்பாக மொபைல் சொல்லவே வேண்டாம், நம்மில் பலர் இந்த பழக்கத்திற்கு அடிமையாகிவிட்டோம். காலையில் எழுந்ததும் முதலில் சமூக ஊடகங்களைப் பார்ப்பதைத் தவிர்க்க வேண்டும் என்று நிபுணர்கள் அறிவுறுத்துகிறார்கள், காலையில் நாம் இதை பார்க்கும்போது, நாம் படிப்பதைப் பொறுத்து மன அழுத்தமும், கவலையும் ஏற்படுகிறது. தினமும் காலையில் செய்ய வேண்டிய முதல் விஷயம் தியானம், 10-15 நிமிடங்கள் இதைச் செய்வது நம் நாளைத் தொடங்குவதற்கான சிறந்த வழிகளில் ஒன்றாகும்.
மேலும் படிக்க | நீரிழிவை ஓட விரட்டும் ‘கேழ்வரகின்’ வியக்க வைக்கும் ஆரோக்கிய நலன்கள்!
2) அலாரம் ஒலி கேட்டு எழுந்திருப்பது உடல் ஆரோக்கியத்தை மோசமாக பாதிக்கும் காலைப் பழக்கங்களில் ஒன்றாகும். இது உளவியல் ரீதியாக தயார்படுத்துவதற்கும், நாளுக்குத் தயாராவதற்கும் நாம் செலவிட வேண்டிய நேரத்தைக் குறைக்கிறது, இது நமது மன அழுத்தத்தை அதிகரிக்கிறது. அவ்வாறு செய்வதன் மூலம் நமக்கு கவனக்குறைவு ஏற்படுகிறது. அலாரம் ஒலி உறக்கநிலையைத் தாக்குவது நமது தூக்க மன நிலையை தொந்தரவு செய்கிறது, அலாரத்தை தவிர்க்க நாம் சீக்கிரம் தூங்க வேண்டும் அல்லது ஒரு யதார்த்தமான நேரத்திற்கு அலாரத்தை அமைக்க வேண்டும், அப்போது நாம் புத்துணர்ச்சியோடு விழிக்கலாம். அலாரத்தை ஸ்னூஸ் செய்யும் பழக்கத்தை கைவிடுவதன் மூலம் நமது தூக்க சுழற்சியை மேம்படுத்தலாம்.
3) காலை உணவு தான் நமது அன்றைய நாளுக்கான ஆற்றலை தருகிறது, ஏழு முதல் எட்டு மணி நேர தூக்க சுழற்சிக்குப் பிறகு சாப்பிடுவது அன்றைய நாளுக்கான முக்கியமான உணவாக கருதப்படுகிறது. நீண்ட காலமாக பசியுடன் இருப்பது நீண்ட காலத்திற்கு நம் ஆரோக்கியத்தை பாதிக்கிறது. காலையில் உணவு வகைகளுடன் பழங்கள் மற்றும் காய்கறிகளை சாப்பிடும் பழக்கத்தை வைத்திருக்க வேண்டும்.
4) ஒவ்வொரு நாளும் செய்ய வேண்டிய விஷயங்களையும் பட்டியலிடுவது மிகவும் முக்கியம். இதுபோன்று அட்டவணை வைத்துக்கொள்வது நமது நாளை பயனுள்ள வகையில் கழிக்க உதவுகிறது. இதுபோன்று அட்டவணை தயாரித்துக்கொள்வது படுக்கையில் சோம்பேறியாக இருக்க வேண்டும் என்ற ஆசையை ஏற்படுத்தாமல் இருக்கும்.
5) காலை நேரத்தில் செய்தித்தாளை படிப்பது மன ஆரோக்கியத்தைப் பாதிக்கும், அதில் இடம்பெறும் எதிர்மறையான அறிக்கைகள் மற்றும் கட்டுரைகளை காலையில் படிப்பது உங்கள் நேர்மறைத் தன்மையைக் குறைக்கலாம். மேலும் செய்திகளைப் படிப்பதன் மூலம் நமது நாளைத் தொடங்க வேண்டாம் என்று நிபுணர்கள் அறிவுறுத்துகின்றனர். இருப்பினும் செய்திகளைப் பற்றி அறிந்து கொள்வதும், நம்மைச் சுற்றி என்ன நடக்கிறது என்பதைத் தெரிந்துகொள்வதும் அவசியம் தான்.
7) காலையில் உடற்பயிற்சி செய்வது, நமது உடல் ஆரோக்கியத்தை மேம்படுத்துகிறது, உடற்பயிற்சியை நமது காலை நேரத்தின் ஒரு பகுதியாக மாற்றுவது நல்லது. வெறும் 15-30 நிமிடங்களுக்கு வியர்க்கும் அளவிற்கு காலையில் ஏதேனும் ஒரு உடற்பயிற்சியை செய்வது நல்லது. கூடுதலாக, காலை உடற்பயிற்சிகள் வளர்சிதை மாற்றத்தை அதிகரிக்க உதவும், இது நம்மை ஆரோக்கியமாக வைத்திருக்கும்.
8) காலையில் நாம் பின்பற்ற வேண்டிய முக்கியமான பழக்கங்களில் ஒன்றாக தண்ணீர் குடிக்க வேண்டும். காலையில் போதுமான அளவு தண்ணீர் குடிப்பது மற்றும் நாள் முழுவதும் நீரேற்றமாக இருப்பது ஆரோக்கியமான குடல் மற்றும் வளர்சிதை மாற்றத்தை ஊக்குவிக்கும். காலையிலேயே போதுமான அளவு தண்ணீர் குடிப்பது நோயெதிர்ப்பு மண்டலத்தை பலப்படுத்தும். உடல் நீரேற்றமாக இருப்பதால் வாய் துர்நாற்றம் மற்றும் சிறுநீர்ப்பை தொற்றுகளைத் தடுக்கப்படுகிறது.
9) காலையில் காபி குடிப்பது மோசமான காலைப் பழக்கங்களின் பட்டியலில் ஒன்றாக கருதப்படுகிறது, காலை 9:30 மணிக்கு முன்பு காபி குடிப்பது நல்லதல்ல என்று கூறப்படுகிறது. ஆராய்ச்சியின் படி, நம் உடல் இயற்கையாகவே காலை நேரத்தில் அதிக கார்டிசோலை உருவாக்குகிறது, இந்த நேரத்தில் காபி உட்கொள்வது நமது இயற்கையான கார்டிசோல் கண்காணிப்பு அமைப்பைக் குழப்பிவிடும். இருப்பினும், மதியம் ஒரு வழக்கமான கப் காபி சாப்பிடுவது சிறந்த நேரமாகக் கருதப்படுகிறது. காபி குடிப்பது நீரிழப்பை ஏற்படுத்தும் என்பதால், உடலை நீரேற்றமாக வைத்திருக்க காபி குடிக்கும்போது ஒரு கிளாஸ் தண்ணீர் குடிப்பது நல்லது.
10) எப்பொழுதும் எந்த விதமான இனிப்பு வகைகளையும் சாப்பிடுவதற்கு முன்பு காலை உணவை உட்கொள்வதை நினைவில் வைத்துகொள்ள வேண்டும். வெறும் வயிற்றில் இனிப்புகளை உட்கொள்வது இரத்தத்தில் சர்க்கரையின் அளவை அதிகரிக்கிறது, இதனால் சர்க்கரை நோயின் பாதிப்பு குறுகிய காலத்திலேயே ஏற்படும் அபாயம் உள்ளது.
மேலும் படிக்க | நீரிழிவை நிர்மூலமாக்கும் ‘நாட்டு மருந்து பொடி’! வீட்டிலேயே எளிதாக தயாரிக்கலாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
