 "எல்லாம் விதி தான் காரணம்.. ! நியூயார்க்கில் மோடி ஆற்றிய உரையின் முக்கிய அம்சங்கள்!")
PM Modi in USA: பிரதமர் நரேந்திர மோடி, நேற்று (ஞாயிற்றுக்கிழமை) நியூயார்க்கில் நடைபெற்ற 'மோடியும் அமெரிக்காவும்' நிகழ்ச்சியில் இந்திய வம்சாவளியினர் மத்தியில் பேசுகையில், சுதந்திரத்திற்குப் பிறகு இந்திய மக்கள் முக்கியத்துவம் வாய்ந்த பொறுப்பை எனக்கு வழங்கியுள்ளனர். முதல்வராகவோ, பிரதமராகவோ ஆவேன் என நான் நினைத்துக் கூட பார்த்தது இல்லை. விதியின் காரணமாக வந்துள்ளேன்" என்றார்.
நியூயார்க்கில் பிரதமர் மோடி ஆற்றிய உரையின் முக்கிய அம்சங்கள்..
பாரத் மாதா கி ஜெய் என்று தனது உரையைத் தொடங்கிய பிரதமர் மோடி, AI இன் இரண்டு புதிய முழு வடிவங்களையும் வெளிப்படுத்தினார். என்னைப் பொறுத்தவரை AI என்றால் அமெரிக்க வாழ் இந்தியர்கள், இந்த உணர்வுதான் இந்தியாவுக்கும் அமெரிக்காவுக்கும் இடையிலான உறவை புதிய உச்சத்துக்குக் கொண்டு செல்கிறது என்று பிரதமர் கூறினார். AI என்றால் அஸ்பிரேஷனல் இந்தியா என்றும் அவர் கூறினார்.
என்.ஆர்.ஐ.க்கள் நாட்டின் மிகப் பெரிய பிராண்ட் அம்பாசிடர்கள் என்றும், இப்போது "அப்னா நமஸ்தே" நிறுவனமும் உள்ளூர் முதல் உலகம் வரை பன்னாட்டு நிறுவனமாக மாறிவிட்டது என்றும், இதையெல்லாம் நீங்கள் செய்திருக்கிறீர்கள் என்றும் பிரதமர் கூறினார்.
என்.ஆர்.ஐ.க்களை தேசத்தின் தூதர்கள் என்று வர்ணித்த பிரதமர், 'என்.ஆர்.ஐ.களின் திறன்களை நான் எப்போதும் புரிந்து கொண்டிருக்கிறேன். பதவி இல்லாவிட்டாலும் புரிந்து கொண்டேன். என்னைப் பொறுத்தவரை, என்ஆர்ஐக்கள் இந்தியாவின் வலுவான பிராண்ட் தூதுவர்களாக இருந்துள்ளனர். அதனால்தான் உங்களை 'ராஷ்டிரதூத்' என்று அழைக்கிறேன்' என்றார்.
பாஸ்டன் மற்றும் லாஸ் ஏஞ்சல்ஸில் இரண்டு புதிய தூதரகங்களை திறக்க இந்தியா முடிவு செய்துள்ளது. கடந்த ஆண்டு, இந்தியா சியாட்டிலில் புதிய தூதரகத்தை திறந்தது.
2036 ஒலிம்பிக் போட்டிகளை நடத்த இந்தியா தனது சிறந்த முயற்சிகளை மேற்கொண்டு வருவதாக பிரதமர் கூறினார். பாரிஸ் ஒலிம்பிக்கில் இந்தியா 6 பதக்கங்களை வென்றுள்ளது, அதில் ஒரு வெள்ளிப் பதக்கம் மற்றும் ஐந்து வெண்கலப் பதக்கங்கள் அடங்கும்.
உலக அழிவில் இந்தியாவுக்கு எந்தப் பங்கும் இல்லை என்றும், உலக மக்கள் தொகையில் 17 சதவீதம் பேர் இந்தியாவில் வாழ்கிறார்கள் என்றும், நமது கார்பன் வெளியேற்றம் நான்கு சதவீதத்திற்கும் குறைவாகவே உள்ளது என்றும் பிரதமர் கூறினார்.
அமெரிக்காவில் தேர்தல் நடக்கப் போகிறது. இந்தியாவில் இப்போதுதான் தேர்தல் நடந்து முடிந்திருக்கிறது என்று பிரதமர் மோடி கூறினார்.
மனித வரலாற்றில் இது மிகப்பெரிய தேர்தல். இந்தியாவில் உள்ள வாக்காளர்களின் எண்ணிக்கை அமெரிக்காவின் மொத்த மக்கள்தொகையை விட இரு மடங்கு அதிகம். இந்திய ஜனநாயகம் விரிவடைவதைப் பார்க்கும்போது பெருமையாக இருக்கிறது என்றார்.
இந்தியாவில் கடந்த 10 ஆண்டுகளாக எங்களின் ஆட்சி நிர்வாகத்தை கவனித்த மக்கள், மீண்டும் எங்களுக்கு வாக்களித்து மூன்றாவது முறையாக ஆட்சிப்பொறுப்பில் அமர்த்தியுள்ளனர்.
மூன்றாவது முறையாக மக்கள் என்னை தேர்ந்தெடுத்து உள்ளனர். செழிப்பான இந்தியாவை உருவாக்குவதற்காக என்னை அர்ப்பணித்திருக்கிறேன்.
இந்த உலகிற்கும் 2024 ஆம் ஆண்டு முக்கியமானது. ஒரு பக்கம் சில நாடுகளுக்கிடையே மோதலும் போராட்டமும் நடக்க, மறுபக்கம் பல நாடுகளில் ஜனநாயகம் கொண்டாடப்பட்டு வருவதாகவும் கூறினார்.
இப்போது உலக மேடையில் இந்தியா பேசும் போது, உலகம் முழுவதும் நாம் சொல்வதைக் கேட்கிறது என தனது உரையில் பேசினார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)