கொரோனா வைரஸ் தடுப்பூசி பாதுகாப்பானது எனவும்; மருத்துவ பரிசோதனைகள் ஜூலை இறுதிக்குள் முடிக்கப்படும் என ரஷ்யா தெரிவித்துள்ளது!!
COVID-19 தொற்றுநோயைக் கட்டுப்படுத்த உதவும் ஒரு தடுப்பூசியை உருவாக்கும் போட்டியில் உலக நாடுகள் அனைத்தும் தீவிரமாக செயல்பாடு வருகிறது. இந்நிலையில், ரஷ்யாவின் செச்செனோவ் பல்கலைக்கழகம் மனிதர்களுக்கு கொரோனா வைரஸ் தடுப்பூசி பற்றிய உலகின் முதல் மருத்துவ பரிசோதனைகளை வெற்றிகரமாக முடித்துவிட்டதாக கடந்த ஞாயிற்றுக்கிழமை (ஜூலை 12, 2020) தெரிவித்தது.
நாளுக்கு நாள் கொரோனா வைரஸ் தொற்று அதிகரிப்பதால் சமூக இடைவெளி, ஊரடங்கு மட்டுமே தற்காலிக தீர்வாக உள்ளது. மறுபுறம் கொரோனாவால் அதிகம் பாதிக்கப்பட்ட நாடுகள் பட்டியலில் அமெரிக்கா, பிரேசில், இந்தியா, ரஷ்யா மற்றும் பெரு ஆகியவை முதல் 5 இடங்களை பிடித்துள்ளன. இந்நிலையில், கொரோனா வைரஸ் தடுப்பூசி பாதுகாப்பானது எனவும்; மருத்துவ பரிசோதனைகள் ஜூலை இறுதிக்குள் முடிக்கப்படும் என ரஷ்ய பாதுகாப்பு அமைச்சகம் தெரிவித்துள்ளது.
அமைச்சகத்தின் கூற்றுப்படி, 18 பேர் ஆராய்ச்சியில் பங்கேற்றனர் மற்றும் "கடுமையான பாதகமான நிகழ்வுகள், சுகாதார புகார்கள், சிக்கல்கள் அல்லது பக்க விளைவுகள்" எதுவும் இல்லாமல் பத்தியரமாக வெளியேற்றப்பட்டனர். சோதனைகளின் முடிவுகள் "தடுப்பூசியின் பாதுகாப்பு மற்றும் நல்ல சகிப்புத்தன்மை குறித்து நம்பிக்கையுடன் பேச அனுமதிக்கின்றன" என்று அமைச்சகம் அந்த அறிக்கையில் குறிப்பிட்டுள்ளது.
"அவற்றின் நோய் எதிர்ப்பு சக்தி சிறப்பாக செயல்படுகிறது, ஆன்டிபாடிகள் உருவாக்கப்படுகின்றன. அது நம்மை கொரோனா வைரஸிலிருந்து பாதுகாக்கின்றன" என்று ஆராய்ச்சியாளர் ஸ்வெட்லானா வோல்ச்சிகினா பாதுகாப்பு அமைச்சகம் வெளியிட்ட வீடியோவில் தெரிவித்துள்ளார். ஜூலை இறுதிக்குள் மருத்துவ பரிசோதனைகள் முழுமையாக நிறைவடையும் என்று எதிர்பார்ப்பதாக அமைச்சகம் மேலும் தெரிவித்துள்ளது.
READ | கொரோனா தடுப்பு மருந்து குறித்து விஞ்ஞானிகள் வெளியிட்ட பகீர் தகவல்..!
மேலும், சோதனை முடிவில் எதிர்பார்த்த பலன் கிடைத்துள்ள நிலையில், வரும் ஆகஸ்ட் மாதத்தின் மத்தியில் தடுப்பு மருந்தைப் பயன்பாட்டுக்குக் கொண்டுவர உள்ளது. ரஷ்ய பாதுகாப்பு அமைச்சகத்தின் கீழ் உள்ள கமாலேயே தொற்று நோய் மற்றும் நுண்ணுயிரியல் நிறுவனம் இந்த தடுப்பு மருந்தை உருவாக்கியுள்ளது. தடுப்பு மருந்து தொடர்பான பரிசோதனைகளை செச்சினோவ் பர்ஸ்ட் மாஸ்கோ மெடிக்கல் யுனிவர்சிட்டி மேற்கொண்டுள்ளது.
மே மாத தொடக்கத்தில், பாதுகாப்பு மந்திரி செர்ஜி ஷோயுக் ஜனாதிபதி விளாடிமிர் புடினிடம் இராணுவ ஆராய்ச்சியாளர்கள் மாஸ்கோவில் உள்ள கமலேயா நிறுவன விஞ்ஞானிகளுடன் விஞ்ஞானிகளுடன் தடுப்பூசி ஒன்றை உருவாக்கி வருவதாக தெரிவித்திருந்தார். சோதனை தடுப்பூசி நிர்வகிக்கப்பட்டு, தினசரி சோதனைக்கு உட்படுத்தப்பட்டபோது, தன்னார்வலர்கள் ஜூன் 18 அன்று மாஸ்கோவில் உள்ள பர்டென்கோ இராணுவ மருத்துவமனையில் தனிமைப்படுத்தப்பட்டனர். தடுப்பூசி போட்ட 28 நாட்களுக்குப் பிறகு, தன்னார்வலர்களின் முக்கிய அறிகுறிகள் சாதாரண வரம்புகளுக்குள் இருந்தன என்று ரஷ்ய பாதுகாப்பு அமைச்சகம் தெரிவித்துள்ளது. ஜூன் 23 அன்று தடுப்பூசி போடப்பட்ட பங்கேற்பாளர்களின் மற்றொரு குழு தற்போது மருத்துவ மேற்பார்வையில் மருத்துவமனையில் தனிமைப்படுத்தப்பட்டுள்ளது.
