Success Mantra to be Followed in Life: ஒவ்வொரு நபரும் வாழ்க்கையில் வெற்றி பெற விரும்புகிறார்கள். சில நேரங்களில் மக்கள் தங்கள் இலக்குகளை அடைய முயற்சி செய்கிறார்கள், ஆனால் சில சமயங்களில் தோல்வி ஏற்பட்ட உடன் நம்பிக்கை இழக்கிறார்கள். வாழ்க்கையில் வெற்றி பெற, ஒழுக்கத்துடன் சில விதிகளையும் பின்பற்றுவது அவசியம். இந்த விதிகளை முழு மனதுடன் பின்பற்றுபவர்கள் மட்டுமே வெற்றிப் பாதையில் முன்னேற முடியும். வாழ்க்கையில் வெற்றி பெற என்னென்ன விஷயங்களை மனதில் கொள்ள வேண்டும் என்பதை தெரிந்து கொள்வோம்.
வாழ்க்கை பயணத்தில் தோன்றும் ஆசைகள் - கனவுகள்
ஆசைப்பட்டதை வாங்குவது, கனவுகளை நனவாக்குது, போட்டிகளில் ஜெயிப்பது, எதிலும் முன்னணியில் நிற்பது, தேர்வில் வெற்றி பெறுவது, நல்ல வேலை ஒன்றில் சேருவது, பதக்கங்களை வெல்வது, தொழிலில் உயர் நிலையை அடைவது, அன்பான குடும்பம், நிறைய பணம் (Money Tips), சொந்த வீடு வாங்க வேண்டும், கார், பங்களா வாங்க வேண்டும் என்பது போல, பலருக்கு வாழ்க்கையில் கனவுகள் இருக்கும். என்று சொல்லிக்கொண்டே போகலாம்.
உங்களுக்கான இலக்குகளை அமைக்கவும்
வேறு யாருடைய அழுத்தத்திலும் உங்கள் இலக்கை நீங்கள் தேர்வு செய்யக்கூடாது. வேலை அல்லது தொழில் விஷயங்களில், மக்கள் பெரும்பாலும் தங்கள் குடும்பத்தினர் மற்றும் நண்பர்களின் கருத்துக்களைக் கேட்டு சரியான இலக்கைத் தேர்ந்தெடுக்க முடியாமல் அழுத்தத்திற்கு ஆளாகிறார்கள். தொழில் விஷயங்களில், எப்போதும் உங்கள் மனது என்ன சொல்கிறதோ அதைக் கேளுங்கள், ஏனென்றால் நீங்கள் விரும்பிய வேலையை முழு மனதுடன் செய்தால் மட்டுமே, அதில் வெற்றி பெற முடியும்.
வெற்றியை நீங்களே வரையறுக்கவும்
வெற்றியின் வரையறை ஒவ்வொருவருக்கும் வேறுபட்டது. சிலருக்கு அதிக பணம் சம்பாதிப்பதாகவும், சிலருக்கு சமூகத்தில் மரியாதையை சம்பாதிப்பதாகவும் இருக்கலாம். சிலருக்கு எந்தவொரு போட்டித் தேர்விலும் வெற்றி பெற வேண்டும் என நினைக்கிறார்கள். அதற்காக கடுமையாக உழைக்கிறார்கள். வெற்றிக்கான சரியான அளவுகோல் எது என்பதை அடிப்படையாகக் கொண்டு வெற்றியை வரையறுக்கவும். இதன் மூலம் உங்கள் இலக்கை நோக்கி நீங்கள் தெளிவாக முன்னேற முடியும்.
உங்கள் தவறுகளில் இருந்து கற்றுக்கொள்ளுங்கள்
ஒவ்வொரு நபரும் தனது தவறுகளிலிருந்து பாடம் கற்றுக்கொள்ள வேண்டும். உங்கள் தவறுகளில் இருந்து நீங்கள் பாடம் கற்கவில்லை என்றால், மீண்டும் மீண்டும் அதே தவறை நீங்கள் செய்யும் வாய்ப்பு அதிகம். அந்தத் தவறுகளைத் தவிர்க்க உங்களால் முடிந்தவரை முயற்சித்தாலும், வெற்றிப் பாதையில் தவறுகள் நடப்பது சகஜம். எனவே, உங்கள் தவறை ஏற்றுக்கொண்டு, அதிலிருந்து பாடம் கற்றுக்கொண்டு, உங்கள் அனுபவத்தின் அடிப்படையில் சரியானதைச் செய்வதன் மூலம், நீங்கள் விரைவில் வெற்றியை அடையலாம்.
நேர்மறையாக இருக்க முயற்சி செய்யுங்கள்
வெற்றி என்னும் கனி உங்களிடமிருந்து வெகு தொலைவில் இருப்பதாக நீங்கள் உணர்ந்தாலும், உங்கள் சிந்தனையை எப்போதும் நேர்மறையாக வைத்திருங்கள். நேர்மறையான மனநிலையை பராமரிப்பது உங்கள் இலக்கை நெருங்குகிறது. உங்கள் மனதில் எதிர்மறையான தாக்கத்தை ஏற்படுத்தும் எந்த ஒரு எண்ணமும் உங்கள் மனதில் வர வேண்டாம். எதிர்மறை எண்ணங்களைக் கொண்டிருப்பது, உங்கள் இலக்கை நோக்கி முழு முயற்சி எடுப்பதைத் தடுக்கிறது.
இறுதியாக, உயர்ந்த நோக்கம், சாதிக்க வேண்டும் என்கிற உத்வேகம், கடின உழைப்பு, நிர்ணயிக்கப்பட்ட இலக்கு, சரியான திட்டமிடல், நம்மால் முடியும் என்ற நம்பிக்கை ஆகியவை இருந்தாலே போதும். வெற்றியைத் தேடி நாம் போக வேண்டியதில்லை. வெற்றி நம்மைத் தேடி வரும்.
மேலும் படிக்க | 500 ஆண்டுக்குப் பின் உருவாகும் கேதார ராஜயோகம், இந்த ராசிகளுக்கு கோடீஸ்வர ராஜயோகம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
