மும்பையில் 2 கடைகளில் இருந்து 168 கிலோ வெங்காயத்தை திருடிய 2 பேர், சிசிடிவி காட்சிகள் அடிப்படையில் கைது செய்யப்பட்டனர்!
டெல்லி: ரூ .20,000 மதிப்புள்ள வெங்காயத்தை திருடிய இரண்டு பேரை மும்பை காவல்துறை சமீபத்தில் கைது செய்ததாக செய்தி நிறுவனம் ANI தெரிவித்துள்ளது. ஒரு வாரத்திற்கு முன்பு இந்த திருட்டு நடந்தது, ஆனால் அவர்களை காவல்துறையினர் செவ்வாய்க்கிழமை கைது செய்துள்ளனர். டிசம்பர் 5 மற்றும் டிசம்பர் 6 இடைப்பட்ட இரவில் டோங்ரி பகுதியில் உள்ள இரண்டு கடைகளில் இருந்து ரூ .21,160 மதிப்புள்ள மொத்தம் 168 கிலோகிராம் வெங்காயம் திருடப்பட்டுள்ளது. இந்த சம்பவம் அப்பகுதியில் நிறுவப்பட்ட சி.சி.டி.வி மூலம் கைப்பற்றப்பட்டுள்ளது, இதன் வீடியோ காட்சியை ANI ட்விட்டர் பக்கத்தில் பதிவிட்டுள்ளது.
நாடு முழுவதும் வெங்காயத்தின் விலை அதிகரித்துள்ளதால், அதை திருடும் சம்பவங்களும் அரங்கேறி வருகின்றன. மும்பையின் டோங்க்ரி பகுதியிலுள்ள 2 கடைகளில் வைக்கப்பட்டிருந்த 21,160 ரூபாய் மதிப்பிலான வெங்காயங்கள் கடந்த 5 ஆம் தேதி நள்ளிரவு திருட்டுப் போயின.
#WATCH Maharashtra: Police have arrested two men for stealing onions worth Rs 21,160 from two shops on December 5 in Dongri area of Mumbai. (CCTV footage) pic.twitter.com/keNxjbkFQ5
— ANI (@ANI) December 11, 2019
இது குறித்த புகாரின்பேரில், அப்பகுதியிலுள்ள சிசிடிவி கேமராவில் பதிவான காட்சியை கைப்பற்றி போலீஸார் ஆய்வு செய்தனர். அதில் 2 பேர் இருட்டில் ரகசியமாக வந்து வெங்காய மூட்டைகளை திருடி செல்லும் காட்சி பதிவாகியிருந்தது. இதனடிப்படையில், விசாரணை நடத்தி அந்த 2 பேரையும் போலீஸார் கைது செய்துள்ளனர்.
