பிராங்க்ளின் ஜேக்கப் இயக்கத்தில் சமுத்திரக்கனி நடிப்பில் வெளியான படம் 'ரைட்டர்'. சமுத்திரக்கனி படங்கள் என்றாலே சமூக அவலங்களை மக்களுக்கு தெளிவாக எடுத்துரைக்கும் கதையம்சத்தோடு அமைந்திருக்கும், அதேபோல தான் இந்த படமும் அமைந்திருந்தது. கடந்த ஆண்டு திரையரங்குகளில் வெளியான இந்த படத்தில் திலீபன், இனியா, போஸ் வெங்கட், சுப்ரமணியம் சிவா, ஜி.எம்.சுந்தர் போன்ற பலர் நடித்திருந்தனர். சிறந்த கதைக்களத்துடன் ரசிகர்களின் வரவேற்பை பெற்ற இந்த படம் தற்போது AhaTamil இயங்குதளத்தில் விரைவில் வெளியாகவுள்ளது.
ALSO READ | உறுதியானது 'எதற்கும் துணிந்தவன்' படத்தின் ரிலீஸ் தேதி!
கபீர் கான் இயக்கத்தில் விளையாட்டை மையமாக வைத்து உருவாக்கப்பட்ட படம் '83'. 1983 உலகக் கோப்பையில் கபில்தேவ் தலைமையிலான இந்திய கிரிக்கெட் அணியின் வெற்றியை குறிக்கும் விதமாக இப்படம் அமைந்துள்ளது. இப்படத்தில் ரன்வீர் சிங், தீபிகா படுகோன், ஜீவா, பங்கஜ் திரிபாதி, தாஹிர் ராஜ், பாசின், சாகிப் சலீம், ஜதின் சர்னா, சிராக் பாட்டீல் போன்ற பலர் நடித்துள்ளனர். இப்படம் வணிக ரீதியாக வெற்றிபெற்றது. தற்போது இந்த படம் பிப்ரவரி-18ம் தேதி NETFLIX இயங்குதளத்தில் வெளியாகவுள்ளது.
கார்த்திக் சுப்புராஜ் இயக்கத்தில் விக்ரம் மற்றும் துருவ் விக்ரம் நடிப்பில் வெளியாகவுள்ள திரைப்படம் 'மகான்'. இப்படத்தில் துருவ் விக்ரம், வாணி போஜன், பாபி சிம்ஹா, சிம்ரன், சனந்த், தீபக் பரமேஷ் ஆகியோர் நடித்துள்ளனர். இப்படத்தை செவன் ஸ்கிரீன் ஸ்டுடியோ நிறுவனம் தயாரத்துள்ளது. ஆக்ஷன் நிறைந்த கேங்ஸ்டர் கதையம்சம் கொண்ட படமாக இது உருவாகியுள்ளது. சமீபத்தில் வெளியான இப்படத்தின் டீசர் அதிக வரவேற்பை பெற்றது. ரசிகர்கள் அதிகம் எதிர்பார்த்துள்ள இப்படம் பிப்ரவரி -10ம் தேதியன்று நேரடியாக Amazon Prime Video OTT தளத்தில் வெளியாகவுள்ளது.
ஏ. ஹரிஹரன் இயக்கத்தில் கடந்த ஜனவரி மாதம் வெளியான காதல் கலந்த நகைச்சுவை திரைப்படம் 'என்ன சொல்ல போகிறாய்'. இப்படத்தின் மூலம் அஷ்வின் கதாநாயகனாக களமிறங்கியுள்ளார். இந்த படத்தில் தேஜு அஸ்வினி, அவந்திகா மிஸ்ரா, புகழ். டெல்லி கணேஷ், சுப்பு பஞ்சு போன்ற பலர் நடித்துள்ளனர். தற்போது இந்த படம் ZEE5 இயங்குதளத்தில் விரைவில் வெளியாக இருக்கிறது.
கார்த்திக் நரேன் இயக்கத்தில் தனுஷ் நடிப்பில் விரைவில் வெளியாகவுள்ள திரைப்படம் 'மாறன்'. இப்படத்தை சத்யஜோதி பிலிம்ஸ் நிறுவனம் தயாரித்துள்ளது. இப்படத்தில் மாளவிகா மோகனன், சமுத்திரக்கனி, ஸ்ம்ருதி வெங்கட், மகேந்திரன், அமீர், பிரவீன், கிருஷ்ணகுமார் பாலசுப்ரமணியன் போன்ற பலர் நடித்துள்ளனர். இப்படத்திற்கு ஜி.வி.பிரகாஷ் குமார் இசையமைத்துள்ளார். இப்படத்தின் போஸ்டர்கள் ரசிகர்கள் மத்தியில் வரவேற்பை பெற்றது. இப்படம் நேரடியாக Disney Plus Hotstar இயங்குதளத்தில் விரைவில் வெளியாகவுள்ளது.
இதனைத்தொடர்ந்து பிப்ரவரி-4ம் தேதி 'தமிழ்ராக்கர்ஸ்' படம் Tentkotta இயங்குதளத்திலும், 'பன்றிக்கு நன்றி சொல்லி' படம் Sonyliv இயங்குதளத்திலும் வெளியாகவுள்ளது. 'ஆனந்தம் விளையாடும் வீடு' மற்றும் 'வேலன்' போன்ற படங்கள் ZEE5 இயங்குதளத்தில் விரைவில் வெளியாக இருக்கிறது. SunNxt இயங்குதளத்தில் 'நாய் சேகர்' மற்றும் 'கொம்பு வெச்ச சிங்கம்டா' போன்ற படங்கள் ரிலீசாக உள்ளது. Disney Plus Hotstar இயங்குதளத்தில் 'தேள்' படம் வெளியாகவுள்ளது. மேலும் கார்பன், ராக்கி, தண்ணி வண்டி, மருதா, சக்ரா, AGP போன்ற படங்களும் OTT-ல் வெளியாகவுள்ளது.
ALSO READ | ’தியேட்டர் திருவிழா’ அடுத்தடுத்து ரிலீஸாகவுள்ள 6 மெகா பட்ஜெட் திரைப்படங்கள்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
