Leo Part 2: தமிழ் திரையுலகில் உச்ச நட்சத்தரமான விஜய் நடிப்பில் தற்போது உருவாகி வரும் லியோ படத்தின் மீது அதிக எதிர்பார்ப்பு இருக்கிறது. பீஸ்ட், வாரிசு என கலவையான விமர்சனங்களை கடந்த இரண்டு படமும் எதிர்கொண்ட நிலையில், லியோவில் அதனை மொத்தமாக மறக்கவைத்து, புதிய சாதனை படைக்கும் முனைப்பில் விஜய் மற்றும் படக்குழு இருப்பது அதன் தயாரிப்பிலும், ஒவ்வொரு அப்டேட்டிலும் நாம் காண முடியும்.
விஜயை வைத்து மாஸ்டர் படத்தை எடுத்து நல்ல ஹிட் கொடுத்த லோகேஷ் கனகராஜ் விக்ரம் படத்தின் வேற லெவல் ஹிட்டால் தற்போது மோஸ்ட வாண்டட் இயக்குநராக மாறிவிட்டார். அந்த அளவிற்கு அவர் உச்சத்திற்கு சென்றுவிட்டதால், தானாகவே அவர் மீதும் எதிர்பார்ப்பு எகிறியுள்ளது எனலாம். விஜய், லோகேஷ் கனகராஜ் ஆகியோரின் காம்போவை இணைக்கும் முக்கிய கண்ணியான இசையமைப்பாளர் அனிருத், இதிலும் அவரின் கைவரிசையை காட்டியுள்ளார் எனலாம். லியோ டைட்டில் அறிவிப்பு வீடியோ முதல் கடைசியாக வெளியான சஞ்சய் தத் கதாபாத்திர அறிமுக வீடியோ வரை இசையில் மிரட்டி வருகிறார். 'நான் ரெடி' பாடல் மூலம் இப்போதே படத்தை Vibe-ஐ மக்களிடத்தில் தக்கவைத்துவிட்டார் எனலாம்.
புது அப்டேட்
இப்படி லியோ படத்தின் ரிலீஸை எதிர்பார்த்து காத்திருக்கும் ரசிகர்களுக்கு புது அப்டேட் ஒன்று வெளியாகியுள்ளது. அதவும் அனைவரும் ஆச்சர்யப்படும் வகையில் அமைத்திருப்பது தான் குறிப்பிடத்தக்க ஒன்று. அதாவது, தற்போது உருவாகி வரும் லியோ திரைப்படத்திற்கு இரண்டு பாகங்கள் உள்ளதாக தகவல்கள் தெரிவிக்கப்படுகின்றன.
Buzz:
#ThalapathyVijay & #LokeshKanagaraj's #LEO is set to release in 2 parts
The conclusion of #LEO's first part will provide a teaser for Part 2
The release is planned for 2025-2026, subject to the success of other films
Other films include… pic.twitter.com/19ZVvV2sT4
— KARTHIK DP (@dp_karthik) August 8, 2023
மேலும் படிக்க | வித்யுத் ஜம்வாலின் உள்ளாடை விளம்பரத்திற்கான முதல் ஆடிஷன் வீடியோ வைரல் -Watch
அப்போ லியா LCU-ஆ?
ஏற்கெனவே, லியோ Lokesh Cinematic Universe (LCU)-ல் வருமா என ரசிகர்கள் கேள்வியெழுப்பி வந்த நிலையில், இந்த தகவல் மேலும் ஆச்சர்யத்தை ஏற்படுத்தியுள்ளது. கைதி, விக்ரம் ஆகியவற்றுடன் லியோவுக்கும் நிச்சயம் தொடர்பிருக்கும் என இந்த தகவல் உறுதிப்படுத்தியுள்ளது. இருப்பினும், இதுகுறித்து அதிகாரப்பூர்வ தகவல் ஏதும் இல்லை என்பதால், அதனை உறுதிப்படுத்த இயலாது. ஏற்கெனவே, லோகேஷ் கனகராஜ் லியோ படத்திற்கு பின் இரண்டு படங்களை முடித்துவிட்டு, அதன்பின் தான் கைதி 2 படத்தை இயக்க இருப்பதாக முன்னர் கூறியிருந்தார். மேலும், விஜய்க்கும் அடுத்த வெங்கட் பிரபுவின் ஒரு படம் மற்றும் அடுத்த ஒரு படத்தின் பேச்சுவார்த்தை போய்கொண்டிருப்பதையும் கருத்தில் கொள்ள வேண்டும்.
ஒரே படத்தில் இத்தனை ஸ்டார்களா...?
அப்படி பார்த்தோமானால், லியோவின் இரண்டாம் பாகம் வெளியானால், அது 2025-2026ஆம் ஆண்டு காலகட்டத்தில் தான் என்றும் கூறப்படுகிறது. குறிப்பாக, லியோ, கைதி 2 ஆகியவற்றின் வரவேற்பை வைத்தே லியோ 2 குறித்த அடுத்த நகர்வுக்கு லோகேஷ் தயாராவார் எனவும் கூறப்படுகிறது. லியோ 2 படம் தான் ஏறத்தாழ விக்ரம் படத்தின் இரண்டாம் பாகமாகவும் இருக்கும் எனவும் தகவல்கள் கூறுகின்றன. அப்படி பார்த்தால், கமல், விஜய், சூர்யா, கார்த்தி, விஜய் சேதுபதி, ஃபகத் ஃபாசில் ஆகியோர் ஒரே படத்தில் தோன்ற வாய்ப்பிருப்பதாகவும் கூறப்படுகிறது.
#Leo 2 parts ha
Apo #Vikram 2 than LEO Part 2 ha irukumo pic.twitter.com/7XoeOMSIfW
— RAJA DK (@rajaduraikannan) August 8, 2023
இந்தியன் 2, சந்திரமுகி 2 என பெரும் வெற்றிபெற்ற படங்களின் இரண்டாம் பாக படங்கள் தற்போது தயாராகி வருகின்றன. இத்திரைப்படங்கள் மேலும் வெற்றி பெறும்பட்சத்தில், தமிழ் சினிமாவில் இந்த இரண்டாம் பாக டிரெண்ட் மேலும் அதிகரிக்கும் என கூறப்படுகிறது.
மேலும் படிக்க | ரஜினி, விஜய் இல்லை! 3000 கோடி சொத்து வைத்துள்ள தென்னிந்திய நடிகர் யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
