சர்வதேச கிரிக்கெட்டில் இருந்து ஓய்வை அறிவித்துள்ளார் அஸ்வின். இந்நிலையில் இந்திய அணியில் அஸ்வின் இடத்தை பிடிக்கப்போகும் 3 பந்துவீச்சாளர்களை பற்றி பார்ப்போம்.
இந்திய அணியின் நட்சத்திர சுழற்பந்து வீச்சாளர் ஆர் அஸ்வின் அனைத்து வித கிரிக்கெட்டில் இருந்தும் ஓய்வை அறிவித்துள்ளார். இதுவரை 537 டெஸ்ட் விக்கெட்டுகளை வீழ்த்தி உள்ளார்.
அஸ்வினின் ஓய்வை அறிவித்துள்ளதால் அவரது இடத்தை அணியில் யார் நிரப்ப உள்ளார் என்ற எதிர்பார்ப்பு அதிகமாகி உள்ளது. இந்திய மண்ணில் 2012 முதல் ஒரு டெஸ்ட் போட்டியில் கூட அஸ்வின் விளையாடாமல் இருந்ததில்லை.
சமீபத்திய நியூசிலாந்து தொடரில் அஸ்வினுக்கு மாற்றாக வாஷிங்டன் சுந்தர் அணியில் இடம் பெற்றார். வரும் காலங்களில் அஸ்வின் இடத்தை நிரப்ப பின்வரும் 3 வீரர்கள் தேர்வு செய்யப்படலாம்.
வாஷிங்டன் சுந்தர் ஆல் ரவுண்டர் வாஷிங்டன் சுந்தர் அஸ்வின் இடத்தை பிடிக்க அதிக வாய்ப்புள்ளது. சுந்தர் இதுவரை 6 டெஸ்ட் போட்டிகளில் விளையாடி 354 ரன்கள் எடுத்துள்ளார், மேலும் 22 விக்கெட்டுகளையும் எடுத்துள்ளார்.
குல்தீப் யாதவ் குல்தீப் யாதவ் இதுவரை 12 டெஸ்ட் போட்டிகளில் விளையாடியுள்ளார், அதில் 5 முறை ஐந்து விக்கெட்டுகளை வீழ்த்தியுள்ளார். கடைசியாக மார்ச் 2024ல் இங்கிலாந்துக்கு எதிரான டெஸ்ட் போட்டியில் விளையாடினார்.
தனுஷ் கோட்யான் அஷ்வினுக்கு மாற்றாக பிசிசிஐ தனுஷ் கோட்டியானை தேர்வு செய்யலாம். 26 வயதான இவர் முதல் தர கிரிக்கெட்டில் இதுவரை 101 விக்கெட்டுகளை வீழ்த்தியுள்ளார். மேலும் 2 சதங்கள் மற்றும் 13 அரைசதங்கள் உட்பட 1525 ரன்கள் எடுத்துள்ளார்.
