Foods That Increases LDL Cholesterol: சில வகையான உணவுகள் மாரடைப்பிற்கு காரணமாக எல்டிஎல் கொலஸ்ட்ரால் அளவை எகிற வைக்கும் திறன் கொண்டவை. இவற்றில் இருந்து விலகி இருப்பதாலும், அதனை கட்டுப்பாட்டுடன் சிறிய அளவில் எடுத்துக் கொள்வதினாலும், மாரடைப்பு அபாயத்தை பெருமளவு தவிர்க்கலாம்.
உடலில் கொலஸ்ட்ரால் அதிகமாக இருப்பது, இன்றைய காலத்தில் பொதுவான பிரச்சனையாக மாறி விட்டது. உடலில் கெட்ட கொலஸ்ட்ரால் அதிகரிப்பதால் மாரடைப்பு, பக்கவாதம் போன்ற அபாயங்கள் அதிகரிப்பதால் எச்சரிக்கையாக இருக்க வேண்டியது அவசியம்.
இனிப்பு உணவுகள்: குக்கீகள், கேக்குகள், ஐஸ்கிரீம், பேஸ்ட்ரிகள் மற்றும் பிற இனிப்புகளில் சேர்க்கப்பட்ட அளவுக்கு அதிகமான சர்க்கரைகள், ஆரோக்கியமற்ற கொழுப்புகள் மற்றும் கலோரிகள் கொலஸ்ட்ரால் அளவை எகிற வைக்கும்.
முட்டையின் மஞ்சள் கரு: முட்டை ஊட்டசத்து மிக்க சிறந்த உணவு தான். ஆனால், ஒரு பெரிய முட்டையின் மஞ்சள் கருவில் சுமார் 213 மில்லிகிராம் கொலஸ்ட்ரால் உள்ளது. எனவே, முட்டையின் மஞ்சள் கருவை அளவோடு தான் உண்ண வேண்டும்.
சிவப்பு இறைச்சி: நிறைவுற்ற கொழுப்பு அதிகம் உள்ள மாட்டு இறைச்சி, ஆட்டிறைச்சி மற்றும் பன்றி இறைச்சி போன்ற சிவப்பு இறைச்சியில் . இது உங்கள் எல்டிஎல் கொழுப்பின் அளவை அதிகரிக்கலாம். எனவே இதனை அதிகம் உட்கொள்வதை நிச்சயம் தவிர்க்கவும்
சோடா பானங்க்கள்: செயற்கை பழச்சாறுகள் மற்றும் சோடா பானங்களில் உங்கள் எல்டிஎல் கொழுப்பை அதிகரிக்கச் செய்யும் சர்க்கரை மற்றும் கலோரிகள் ஏராளமாக உள்ளன. இதில் சேர்க்கப்படும் செயற்கை இனிப்புகள் பல பக்கவிளைவுகளையும் ஏற்படுத்தும்.
பதப்படுத்தப்பட்ட இறைச்சிகள்: கொலஸ்ட்ராலை கட்டுக்குள் வைக்க முயற்சிக்கும் போது, கெட்ட கொலஸ்ட்ரால் மிக அதிகமாக உள்ள தொத்திறைச்சி, பன்றி இறைச்சி போன்ற பிற பதப்படுத்தப்பட்ட இறைச்சி உணவுகளை தவிர்க்க வேண்டும்.
பதப்படுத்தப்பட்ட உணவுகள்: துரித உணவுகளில் சோடியம், கலோரிகள் மற்றும் டிரான்ஸ் கொழுப்புகள் மற்றும் சாச்சுரேட்டட் கொழுப்புகள் போன்ற ஆரோக்கியமற்ற கொழுப்புகள் ஏராளமாக உள்ளன. இவை இதய ஆரோக்கியத்திற்கு கேடு விளைவிக்கும்.
கொழுப்பு நிறைந்த பால் பொருட்கள்: கொழுப்பு அதிக உள்ள பால் பொருட்களில் நிறைவுற்ற கொழுப்பு அதிகம். எனவே, கொழுப்புள்ள பால், சீஸ் மற்றும் வெண்ணெய் போன்ற உணவுகளை அதிகமாக உட்கொள்ளும் போது, எல்டிஎல் கொழுப்பின் அளவு அதிகரிக்கலாம்.
பொரித்த உணவுகள்: எண்ணெயில் பொரித்த அனைத்து வகையான உணவுகளையும் தவிர்க்கவும். உடல் பயிற்சி செய்யும் வழங்க்கம் இருப்பவர்கள் அளவோடு சாப்பிட்டால், தவறில்லை. ஆனால், உடல் செயல்பாடுகள் இல்லாத ழவாழ்க்கை முறையில் இருப்பவர்கள், இதனை அதிகம் சாப்பிடுவதால் இதய நோயால் பாதிக்கப்படுவதற்கான ஆபத்து அதிகரிக்கிறது.
