Google Income Sources After Free Services : உலகின் மிகப்பெரிய தேடுபொறியாக விளங்கும் கூகுள் நிறுவனம், தனது சேவைகளை இலவசமாக வழங்குகிறது. ஏதாவது ஒரு விஷயத்தைப் பற்றி தெரிந்துக் கொள்ள வேண்டுமானால் மக்கள் ‘கூகுளாண்டவர்’ என்று நகைச்சுவையாக அழைக்கப்படும் கூகுளை அணுகுகின்றனர்.
உலகம் முழுவதும் மில்லியன்கணக்கான பயனாளர்களைக் கொண்ட கூகுள் நிமிடத்துக்கு இரண்டு கோடி ரூபாய் வருமானம் ஈட்டுகிறது.
கூகுள் தனது பல சேவைகளை இலவசமாக வழங்குகிறது. ஆனால், இதையும் தாண்டி கூகுள் கோடிக்கணக்கான ரூபாய் வருமானம் ஈட்டுகிறது
கூகுள் நிறுவனம் நிமிடத்திற்கு 2 கோடி வருமானம் ஈட்டுவதாக கூறப்படுகிறது. கூகுள் எப்படி இவ்வளவு பணம் சம்பாதிக்கிறது என்பது தெரியுமா? கூகுள் நிறுவனத்தின் வருமான ஆதாரங்கள் என்ன? கூகுள் எந்தெந்த வழிகளில் பணம் சம்பாதிக்கிறது என்பதைத் தெரிந்துக் கொள்வோம்
கூகுள் கிளவுட்: கூகுள் தேடுபொறி முதல் இணையத்தில் கொடுக்கும் தகவல்களுக்கு கட்டணம் வசூலிக்காவிட்டாலும், சில சேவைகளுக்கு பணம் வசூலிக்கிறது. கூகிள் கிளவுட் மற்றும் பிரீமியம் உள்ளடக்கம் போன்ற சேவைகளுக்கு கட்டணம் வசூலிப்பதன் மூலம் கூகுள் நன்றாக சம்பாதிக்கிறது.
ஆண்ட்ராய்டு இயங்குதளம்: கூகுளால் உருவாக்கப்பட்ட ஒரு திறந்த மூல இயக்க முறைமையான ஆண்ட்ராய்டு இன்று பலராலும் பயன்படுத்தப்படுகிறது. ஆண்ட்ராய்டைப் பயன்படுத்துவதற்கு நேரடியாக பணம் செலுத்துவதில்லை என்றாலும், கூகுள் ப்ளே ஸ்டோர் மற்றும் கூகுள் சேவைகள் போன்ற பிற கூகுள் தயாரிப்புகளை நிறுவனங்கள் பயன்படுத்துவதற்கு கட்டணம் செலுத்துகின்றன. இது கூகுளுக்கு வருமானத்தை கொடுக்கிறது.
கூகுள் ப்ளே ஸ்டோர் என்பது கூகுளின் சேவையாகும், இதில் ஆண்ட்ராய்டு ஸ்மார்ட்போன்களுக்கு ஆப்ஸ் மற்றும் கேம்கள் கிடைக்கின்றன. இந்த சேவை பயனர்களுக்கு இலவசமாக கிடைக்கிறது. பயனர்கள் எந்த ஆப் மற்றும் கேமையும் இலவசமாக பதிவிறக்கம் செய்யலாம்.
கூகுள் ப்ளே ஸ்டோர் தனி பயனர்களுக்கு இலவசம் என்றாலும், நிறுவனங்களுக்கு இது இலவசம் அல்ல. கூகுள் பிளே ஸ்டோரை வணிகரீதியில் பயன்படுத்தும் நிறுவனங்கள் பணம் செலுத்த வேண்டும். இதன் மூலம் கூகுள் கணிசமான வருமானம் ஈட்டுகிறது.
கூகுளுக்கு அதிக வருமானத்தைக் கொடுப்பது விளம்பரம் தான். கூகுளில் ஒரு விஷயத்தைத் தேடும் போது, மேலே சில விளம்பரங்கள் தெரியும். இந்த விளம்பரங்களுக்காக நிறுவனங்கள் கூகுளுக்கு பணம் செலுத்துகின்றன. இதன் மூலம் கூகுளுக்கு அதிக பணம் கிடைக்கிறது. இது தவிர, யூடியூப்பில் விளம்பரங்களும் காட்டப்படுகின்றன, இப்படி விளம்பரம் மூலம் கூகுள் நிறைய பணம் சம்பாதிக்கிறது.
பொறுப்புத் துறப்பு: இணையத்தில் உள்ள தகவல்களின் அடிப்படையில் எழுதப்பட்ட இந்தக் கட்டுரையில் உள்ள தகவல்களை ஜீ நியூஸ் தனிப்பட்ட முறையில் சரிபார்க்கவில்லை
