Kantara Actor Rishabh Shetty: எவ்ளோ பணம் கொடுத்தாலும் பிற மொழிகளில் நடிக்கவே மாட்டேன் என்று காந்தாரா நாயகன் ரிஷப் ஷெட்டி பேசி உள்ளார்.
கடந்த ஆண்டு வெளியான காந்தாரா படத்தின் மூலம் இந்தியா முழுவதும் பிரபலமானவர் ரிஷப் ஷெட்டி. கம்மி பட்ஜெட்டில் தயாரான இந்த படம் பாக்ஸ் ஆபிஸில் 350 கோடிக்கும் மேல் வசூல் செய்தது.
கோவா சர்வதேச திரைப்பட விழாவில் பேசிய ரிஷப் ஷெட்டி, நான் கன்னடத்தில் மட்டும் தான் நடிப்பேன் என்று தெரிவித்துள்ளார்.
எனக்கு பிற மொழிகளில் இருந்து வாய்ப்பு வந்து கொண்டு தான் இருக்கிறது, அதுவும் பெரிய நடிகர்களின் படங்கள்.
ஆனால் நான் அதை நிராகரித்துவிட்டேன் என்றும் தொடர்ந்து கன்னட மொழியில் மட்டுமே தான் திரைப்படம் நடிப்பேன் என்றும் கூறியுள்ளார்.
கன்னட சினிமா ரசிகர்கள் தனக்கு ஆதரவு கொடுத்துள்ளனர் என்றும் நான் எப்போதும் நன்றிக்கடன் பட்டிருக்கிறேன் என்றும் ரிஷப் ஷெட்டி தெரிவித்துள்ளார்.
