Indian 2 Trailer Launch Event : இந்தியன் 2 படத்தின் டிரைலர் வெளியீட்டு விழா சென்னையில் நடந்தது. இந்த விழாவில் யார் யார் என்னென்ன பேசினார்கள் என்பது குறித்து இங்கு பார்ப்போம்!
Indian 2 Trailer Launch Event : ஒட்டுமொத்த தமிழ் திரையுலகமும் எதிர்பார்த்து காத்துக்கொண்டிருக்கும் படங்களுள் ஒன்று, இந்தியன் 2. இந்த படத்தின் படப்பிடிப்பு கிட்டத்தட்ட 5 ஆண்டுகளுக்கும் மேலாக நடப்பெற்று வருகிறது. முதல் பாகத்தில் ஹீரோவாக நடித்த கமல் ஹாசனே, இதிலும் ஹீரோவாக நடிக்கிறார். இந்தியன் தாத்தா வேடத்தில் வெளியான இவரது மிரட்டல் லுக்கை பார்த்து பலர் வியந்து போயினர்.
1996ஆம் ஆண்டு கமல்ஹாசன் நடிப்பில், ஷங்கர் இயக்கத்தில் வெளியான படம், இந்தியன். இந்த படத்தில் கமல், தந்தை-மகன் என இரட்டை வேடத்தில் நடித்திருப்பார். இந்த படத்தின் இரண்டாம் பாகம் பல வருடங்களுக்கு முன்பிருந்தே உருவாகி வருகிறது. ஒரு சில காரணங்களினால் இதன் ரிலீஸ் மட்டும் தள்ளிப்போய்க்கொண்டே இருக்கிறது.
இந்தியன் 2 படத்தின் டிரைலர் இன்று வெளியாக இருக்கிறது. பத்திரிக்கையாளர்களை அழைத்து டிரைலர் வெளியீட்டு விழா நடத்தப்பட்டது. இதில் நடிகர்கள் சித்தார்த், கமல் ஹாசன், இயக்குநர் ஷங்கர், பாபி சிம்ஹா உள்ளிட்ட பலர் கலந்து கொண்டனர்.
இந்த நிகழ்ச்சியில் பல சுவாரஸ்யமான விஷயங்களை பேசிய ஷங்கர், கமல்ஹாசன் இப்படத்திற்காக போட்ட கடின உழைப்பு பற்றியும் பேசினார். அப்போது, ஒரு காட்சிக்காக அந்தரத்தில் தொங்கியபடி 4 நாட்கள் நடித்ததாகவும் மேக்-அப் போட, 3 மணி நேரம் அப்படியே அமர்ந்ததாகவும் கூறியிருக்கிறார்.
கமல்ஹாசன், இந்த வருடத்தில் மட்டும் 3 வித்தியாசமான படங்களில் நடித்து வருகிறார். கல்கி 2898 ஏடி படத்தில் வில்லனாகவ் ஏலியன் கதாப்பாத்திரத்திலும், தக் லைஃப் படத்தில் ராஜா கால தோற்றத்திலும் வருகிறார்.
இரவு 7 மணிக்கு போஸ்டர் வெளியாவதை தொடர்ந்து இதன் புதிய போஸ்டரும் வெளியாகி இருக்கிறாது.
இந்தியன் 2 படத்தின் படக்குழுவினர்களான காஜல் அகர்வால், ரகுல் ப்ரீத் சிங் உள்ளிட்டோர் இந்த நிகழ்ச்சியில் கலந்து கொள்ளவில்லை.
இந்தியன் 2 படம், வரும் ஜூலை மாதம் 12ஆம் தேதி கண்டிப்பாக வெளியாகும் என அறிவிப்பு வெளியாகியிருக்கிறது. இதன் ரிலீஸ் டேட் முன்னரே ஒரு முறை தள்ளிப்போயுள்ளது குறிப்பிடத்தக்கது.
1996ஆம் ஆண்டு வெளியான இந்தியன் படத்திற்கு ஏ.ஆர்.ரஹ்மான் இசையமைத்திருந்தார். தற்போது இப்படத்திற்கு அனிருத் இசையமைத்திருக்கிறார்.
