இந்தியாவுக்கு எதிரான 4வது டெஸ்ட் போட்டியில் டாஸ் வென்ற ஆஸ்திரேலிய அணி 300 ரன்கள் எடுத்து ஆல் அவுட் ஆனது.
ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது.
இரு அணிகள் இடையேயான 4 டெஸ்ட் போட்டி தொடரில் புனேயில் நடந்த முதல் போட்டியில் ஆஸ்திரேலியா 333 ரன் வித்தியாசத்திலும், பெங்களூரில் நடந்த 2-வது டெஸ்டில் இந்தியா 75 ரன் வித்தியாசத்திலும் வெற்றி பெற்றன. ராஞ்சியில் நடைபெற்ற 3-வது டெஸ்ட் ‘டிரா’ ஆனது. இதனால் தொடர் 1-1 என்ற கணக்கில் சமநிலையில் உள்ளது.
இந்தியா-ஆஸ்திரேலியா அணிகள் மோதும் 4-வது மற்றும் கடைசி டெஸ்ட் போட்டி தர்மசாலாவில் இன்று தொடங்குகியது
முதல் முறையாக டெஸ்ட் போட்டி நடைபெறும் தர்மசாலா ஆடுகளம் வேகப்பந்து வீச்சுக்கு ஏற்ற வகையில் இருக்கும். இந்தியாவின் வேகப் பந்தைவிட ஆஸ்திரேலியா வேகப்பந்து வீச்சு வலுவானது என்பதால் இந்த டெஸ்ட் கடுமையானதாக இருக்கும். ஆஸ்திரேலிய அணி கூடுதலாக ஒரு வேகப்பந்து வீச்சாளருடன் களமிறங்கும் என எதிர்பார்க்கப்படுகிறது.
வீராட்கோலி தலைமையிலான இந்திய அணி ஆஸ்திரேலியாவை வீழ்த்தி தொடரை வெல்லுமா? என்று ஆவலுடன் எதிர் பார்க்கப்படுகிறது. ஆஸ்திரேலிய அணி கடும் சவாலாக இருக்கும் என்பதால் தொடரை கைப்பற்ற இந்தியா கடுமையாக போராட வேண்டும்.
இந்திய அணியின் வேகப்பந்து வீரர் முகமது ஷமி அணியில் இடம் பெறுவது சந்தேகம். தோள்பட்டை காயத்தால் கோலி அவதிப்பட்டு வருகிறார். இதனால் மும்பையை சேர்ந்த ஸ்ரேயாஸ் அய்யர் அணியில் சேர்க்கப்படுவார் என தெரிகிறது.
இந்நிலையில் இந்தியாவுக்கு எதிரான 4-வது டெஸ்ட் போட்டியில் டாஸ் வென்ற ஆஸ்திரேலிய அணி 88.3 ஓவர்களில் 10 விக்கெட் இழப்பிற்கு 300 ரன்கள் குவித்தது.
