இந்தியாவின் மூத்த தொடக்க ஆட்டக்காரர் முரளி விஜய் திங்களன்று அனைத்து வகையான சர்வதேச கிரிக்கெட்டிலிருந்தும் ஓய்வு பெறுவதாக அறிவித்தார், "கிரிக்கெட் உலகில் புதிய வாய்ப்புகள் மற்றும் அதன் வணிகப் பக்கத்தை" நோக்கி செல்ல உள்ளதாக தெரிவித்துள்ளார். அவர் கடைசியாக 2018 டிசம்பரில் ஆஸ்திரேலியாவுக்கு எதிரான பார்டர்-கவாஸ்கர் டெஸ்ட் தொடரின் போது இந்தியாவுக்காக விளையாடினார். நாக்பூரில் ஆஸ்திரேலியாவுக்கு எதிரான பார்டர்-கவாஸ்கர் டெஸ்ட் தொடரின் கடைசி டெஸ்ட் போட்டியின் ஆடும் லெவன் அணியில் கெளதம் கம்பீருக்கு பதிலாக 2008ல் இடம் பிடித்தார். முரளி விஜய் தனது சர்வதேச கிரிக்கெட்டில் இந்தியாவுக்காக 61 டெஸ்ட், 17 ஒருநாள் மற்றும் ஒன்பது டி20 போட்டிகளில் விளையாடி உள்ளார். அவர் டெஸ்டில் 12 சதங்கள் மற்றும் 15 அரைசதங்களுடன் 3982 ரன்களும், ஒருநாள் போட்டிகளில் ஒரு அரை சதத்துடன் 339 ரன்களும், டி20 போட்டிகளில் 169 ரன்களும் எடுத்துள்ளார்.
மேலும் படிக்க | ஐபிஎல்லில் அதிவேகமாக 1000 ரன்களை எட்டிய 5 வீரர்கள் யார் தெரியுமா?
அவர் தனது ட்விட்டர் பதிவில், “இன்று, மிகுந்த நன்றியுடனும் பணிவுடனும், அனைத்து வகையான சர்வதேச கிரிக்கெட்டிலிருந்தும் எனது ஓய்வை அறிவிக்கிறேன். 2002-2018 வரையிலான எனது பயணம் எனது வாழ்க்கையின் மிக அற்புதமான ஆண்டுகள், ஏனெனில் இது விளையாட்டின் மிக உயர்ந்த மட்டத்தில் இந்தியாவைப் பிரதிநிதித்துவப்படுத்திய பெருமையாகும். இந்திய கிரிக்கெட் கட்டுப்பாட்டு வாரியம் (பிசிசிஐ), தமிழ்நாடு கிரிக்கெட் சங்கம் (டிஎன்சிஏ), சென்னை சூப்பர் கிங்ஸ் மற்றும் செம்ப்ளாஸ்ட் சன்மார் எனக்கு வழங்கிய வாய்ப்புகளுக்கு நான் நன்றியுள்ளவனாக இருக்கிறேன்.
@BCCI @TNCACricket @IPL @ChennaiIPL pic.twitter.com/ri8CCPzzWK
— Murali Vijay (@mvj888) January 30, 2023
எனது அணி வீரர்கள், பயிற்சியாளர்கள், வழிகாட்டிகள் மற்றும் உதவி ஊழியர்கள் அனைவருக்கும் நன்றி; உங்கள் அனைவருடனும் விளையாடியது ஒரு முழுமையான பாக்கியம், மேலும் எனது கனவை நனவாக்க உதவிய அனைவருக்கும் நன்றி. சர்வதேச விளையாட்டின் ஏற்ற தாழ்வுகளில் என்னை ஆதரித்த கிரிக்கெட் ரசிகர்களுக்கு, உங்கள் அனைவருடனும் நான் செலவழித்த தருணங்களை என்றென்றும் போற்றுவேன், உங்களின் ஆதரவு எப்போதும் எனக்கு ஊக்கமளிக்கும்" என்று கூறி இருந்தார். முரளி விஜய் தமிழ்நாட்டிற்காக 135 முதல்தர மற்றும் 94 லிஸ்ட் ஏ கிரிக்கெட் போட்டிகளில் விளையாடினார், கடைசியாக 2019 ஆம் ஆண்டின் இறுதியில் விளையாடினார். முரளி விஜய் 106 ஐபிஎல் போட்டிகளில் விளையாடி, இரண்டு சதங்கள் மற்றும் 13 அரைசதங்களுடன் 2619 ரன்கள் எடுத்தார், கடைசியாக செப்டம்பர் 2020ல் ஐபிஎல் போட்டியில் ஆடினார்.
மேலும் படிக்க | IND vs NZ: 239 பந்துகளில் ஒரு சிக்ஸர் கூட இல்லை! ஆடுகளத்தை கேலி செய்யும் ரசிகர்கள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
