ஜியோ காதலர் தின சலுகை: ஜியோ தனது ப்ரீபெய்ட் திட்டங்களில் புதிய காதலர் தின சலுகையை அறிமுகப்படுத்தியுள்ளது. அதன்படி இதில் நிறுவனம் ப்ரீபெய்ட் பயனர்களுக்கு 87ஜிபி வரை மொபைல் டேட்டா, விமான முன்பதிவுகளில் தள்ளுபடி, இலவச பர்கர் மற்றும் பல நன்மைகளை வழங்குகிறது. இந்த சலுகையை நிறுவனத்தின் அதிகாரப்பூர்வ செயலியான MyJio இல் நீங்கள் காணலாம். ஆனால் இந்த சலுகை ஒரு சில ப்ரீபெய்ட் திட்டங்களுடன் மட்டுமே கிடைக்கும். எனவே இந்த திட்டத்தில் என்னென்ன நன்மைகள் கிடைக்கும் என்பதை இந்த பதிவில் தெரிந்துக்கொள்வோம்.
ஜியோ காதலர் தின சலுகை 2023
தேர்ந்தெடுக்கப்பட்ட ப்ரீபெய்ட் திட்டங்களுடன் பயனர்கள் 87ஜிபி வரை இலவச மொபைல் டேட்டாவைப் பெறுவார்கள். டெலிகாம் ஆபரேட்டர் ஒரு ஜியோ திட்டத்தில் 87ஜிபி இலவச டேட்டாவை வழங்குகிறது மற்றும் சில பேக்குகளில் 12ஜிபி இலவச டேட்டா வழங்கப்படுகிறது. இது தவிர, இக்ஸிகோவில் ரூ.4,500 அல்லது அதற்கு மேற்பட்ட விமான முன்பதிவுகளுக்கு ரூ.750 வரை தள்ளுபடி கிடைக்கும். அதேபோல் Ferns & Petals ஆப்ஸிலிருந்து குறைந்தபட்ச ஆர்டரான ரூ.799க்கு ரூ.150 வரை தள்ளுபடியை வழங்கபடுகிறது.
மேலும் படிக்க | ரூ.155க்கு அசத்தல் ஆப்பரை வழங்கியுள்ள ஏர்டெல்! சிறப்பம்சங்கள் என்ன?
மறுபுறம் ரிலையன்ஸ் ஜியோ பயனர்கள் மெக்டொனால்டில் ரூ.199க்கு மேல் செலவழித்தால், ரூ.105 மதிப்புள்ள சிக்கன் கபாப் அல்லது மெக்ஆலு டிக்கி பர்கரை இலவசமாகப் பெறலாம். பயன்பாட்டைப் பயன்படுத்தி கூப்பனைப் பயன்படுத்தி இந்த சலுகையைப் பெறலாம். இதைப் பெற, நீங்கள் MyJio செயலிக்குச் சென்று 'Coupons & Win' என்கிற விருப்பதிற்கு செல்ல வேண்டும்.
இதனிடையே ஜியோவின் இந்த சலுகை ரூ.249, ரூ.349, ரூ.899 மற்றும் ரூ.2,999 ஆகிய ப்ரீபெய்ட் திட்டங்களுடன் கிடைக்கும். ரூ.249 திட்டத்தில் தினசரி 2ஜிபி டேட்டா மற்றும் 23 நாட்கள் வேலிடிட்டி கிடைக்கும். ரூ.349 திட்டத்தில், தினமும் 2.5ஜிபி டேட்டா கிடைக்கும் மற்றும் 30 நாட்கள் செல்லுபடியாகும். ரூ.899 திட்டமானது தினசரி 2.5ஜிபி டேட்டா மற்றும் 90 நாட்கள் வேலிடிட்டியை வழங்குகிறது. ரூ.2,999 திட்டமானது தினசரி 2.5ஜிபி டேட்டாவை வழங்குகிறது மற்றும் 388 நாட்கள் வேலிடிட்டியுடன் வருகிறது. இந்த திட்டங்களில் 87ஜிபி இலவச டேட்டா கிடைக்கும். மேலும் இந்த அனைத்து திட்டங்களுடனும் வரம்பற்ற அழைப்பு மற்றும் SMS கிடைக்கும்.
மேலும் படிக்க | காதலர் தினத்திற்கு ஜியோ வழங்கும் சூப்பர் ஆபர்! மிஸ் பண்ணிடாதீங்க!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
