கொரோனா வைரஸ் பாதிப்பு: சீனாவில் பலி எண்ணிக்கை 2,500க்கு மேல் தாண்டியது!

கொரோனா வைரஸ் பாதிப்பால் சீனாவில் பலியானோர் எண்ணிக்கை 2,592 ஆக அதிகரித்துள்ளது.

Updated: Feb 24, 2020, 10:35 AM IST
கொரோனா வைரஸ் பாதிப்பு: சீனாவில் பலி எண்ணிக்கை 2,500க்கு மேல் தாண்டியது!

கொரோனா வைரஸ் பாதிப்பால் சீனாவில் பலியானோர் எண்ணிக்கை 2,592 ஆக அதிகரித்துள்ளது.

சீனாவின் பரவி வரும் கொரோனா வைரஸ் பெரும் அச்சுறுத்தலை ஏற்படுத்தியுள்ளது. அங்குள்ள வுஹான் நகரத்தில் அதிகம் பேர் பாதிக்கப்பட்டுள்ளனர். இதனால் நாளுக்கு நாள் உயிரிழப்புகளும் அதிகரித்து வருகின்றன. உலகம் முழுவதும் இந்தியா, அமெரிக்கா உள்ளிட்ட 25-க்கும் அதிகமான நாடுகளில் இந்த வைரஸ் பரவியுள்ளது. இந்த வைரஸ் தற்போது சீனாவுக்கு வெளியேயும் வேகமாக பரவி வருகிறது. 

கொரோனவை கட்டுக்குள் கொண்டு வந்துவிட வேண்டும் என்று சீனா உள்ளிட்ட உலக நாடுகள் தீவிரமாக போராடி வருகின்றன. ஹாங்காங், ஜப்பான், தென்கொரியா, பிலிப்பைன்ஸ், மலேசியா, சிங்கப்பூர், மக்காவ், ஐரோப்பிய நாடுகள் உள்ளிட்ட 28-க்கும் மேற்பட்ட நாடுகளில் கொரோனா வைரசுக்கு பாதிக்கப்பட்டு பலர் சிகிச்சை பெற்று வருகிறார்கள். இதில் ஹாங்காங், ஜப்பான், தென்கொரியா, பிரான்ஸ், பிலிப்பைன்ஸ் உள்ளிட்ட நாடுகளில் உயிரிழப்பு ஏற்பட்டு இருக்கிறது.

திங்கள்கிழமை காலை நிலவரப்படி, சீனாவுக்கு வெளியே உறுதிப்படுத்தப்பட்ட வழக்குகளின் எண்ணிக்கை ஜப்பான் (838), தென் கொரியா (763), இத்தாலி (152), சிங்கப்பூர் (89), ஹாங்காங் (74), ஈரான் (43), தாய்லாந்து (35) ), அமெரிக்கா (35), தைவான் (28), ஆஸ்திரேலியா (23), மலேசியா (22), ஜெர்மனி (16), வியட்நாம் (16), பிரான்ஸ் (12), ஐக்கிய அரபு அமீரகம் (11), மக்காவ் (10), தி இங்கிலாந்து (ஒன்பது), கனடா (ஒன்பது), இந்தியா (மூன்று), பிலிப்பைன்ஸ் (மூன்று), ரஷ்யா (இரண்டு), ஸ்பெயின் (இரண்டு), இஸ்ரேல் (ஒன்று), எகிப்து (ஒன்று), லெபனான் (ஒன்று), கம்போடியா (ஒன்று) , பின்லாந்து (ஒன்று), நேபாளம் (ஒன்று), இலங்கை (ஒன்று), சுவீடன் (ஒன்று) மற்றும் பெல்ஜியம் (ஒன்று) என தென் சீனா மார்னிங் போஸ்ட் வெளியிட்டுள்ள புள்ளிவிவரங்கள் தெரிவிக்கின்றன.

சீனாவுக்கு வெளியே இறப்புகள் ஈரான் (எட்டு), தென் கொரியா (ஏழு), ஜப்பான் (நான்கு), ஹாங்காங் (இரண்டு), இத்தாலி (இரண்டு), பிரான்ஸ் (ஒன்று), தைவான் (ஒன்று) மற்றும் பிலிப்பைன்ஸ் (ஒன்று) ஆகிய இடங்களில் பதிவாகியுள்ளன.

இந்நிலையில், சீனாவில் தற்போது வரை கொரோனா வைரஸ் தாக்குதலுக்கு பலியானவர்களின் எண்ணிக்கை 2,442 லிருந்து 2,592 ஆக அதிகரித்துள்ளது. வைரசால் பாதிக்கப்பட்டவர்களின் எண்ணிக்கை 76,936 லிருந்து 77,150 ஆக அதிகரித்துள்ளது.