Car Mileage: కారు కొనుగోలు చేయడం కంటే దాని నిర్వహణే కష్టం. ఎందుకంటే ఇంధనం ధరలు ఆకాశాన్నంటుతున్నాయి. అందుకే మైలేజ్ ఎక్కువగా ఇచ్చే కార్లను కొనుగోలు చేసేందుకు జనం ఆసక్తి చూపిస్తుంటారు.
Car Mileage: అదే సమయంలో మీ కారు మైలేజ్ ఎక్కువ ఇచ్చేలా కొన్ని సూచనలు కూడా ఉన్నాయి. ఇవి పాటిస్తే మైలేజ్ కచ్చితంగా పెరుగుతుంది. ఆ టిప్స్ ఏంటో తెలుసుకుందాం..
కారు ఎప్పుడూ ఓవర్ లోడింగ్ ఉండకూడదు. ఓవర్ లోడింగ్ ఉండే కారు ఇంజన్‌పై ఒత్తిడి పెరిగి ఇంధనం వాడకం పెరిగిపోతుంది. ఫలితంగా మైలేజ్ తగ్గిపోతుంది.
కిటికీలు తెరిచి ప్రయాణం చేస్తే కారు ఇంజన్ పై ఎక్కువ ఒత్తిడి పడుతుంది. దాంతో ఇంధనం వాడకం పెరుగుతుంది. మైలేజ్ బాగుండాలంటే కారు కిటికీలు మూసివేసి ఉండాలి.
టైర్ ప్రెషర్ కూడా సరిగ్గా ఉండేట్టు చూసుకోవాలి. టైర్ ప్రెషర్ సరిగ్గా ఉండటం కూడా మైలేజ్‌పై ప్రభావం చూపిస్తుంది.
స్మూత్ డ్రైవింగ్ అనేది చాలా ముఖ్యం. ఎక్సిలేటర్, బ్రేక్ వాడకం సాధ్యమైనంతవరకూ తగ్గించాలి. కారుని స్మూత్ డ్రైవింగ్‌తో స్థిరమైన వేగాన్ని మెయింటైన్ చేస్తే బాగుంటుంది. మంచి మైలేజ్ ఇస్తుంది.
కారును ఎప్పటికప్పుడు సర్వీస్ చేయించాలి. ఇంజన్, బ్రేక్, సస్పెన్షన్ ఇతర ఎలాగున్నాయో చెక్ చేస్తుండాలి. సర్వీసింగ్ బాగుంటే కారు పనితీరు బాగుంటుంది. మైలేజ్ కూడా అధికంగా ఉంటుంది.
