Cholesterol Control Remedy: శరీరంలో చెడు కొలెస్ట్రాల్ పెరిగితే అనేక ఆరోగ్య సమస్యలు వస్తాయి. ముఖ్యంగా ఇది గుండెపై తీవ్ర ప్రభావం చూపుతుంది. హార్ట్‌ బ్లాకేజీ, స్ట్రోక్‌ వంటి సమస్యలు కూడా వస్తాయి.
రక్తంలో చెడు కొలెస్ట్రాల్ తగ్గించుకుని మంచి కొలెస్ట్రాల్ పెంచాలి. దీంతో మనం ఆరోగ్యంగా ఉంటాం. లేకపోతే కొలెస్ట్రాల్ అధికంగా ఉండటం వల్ల గుండె జబ్బులు వస్తాయి. శరీరంలో కొలెస్ట్రాల్ అధికంగా ఉంటే ధమనుల గోడలపై పేరుకుపోతుంది. ఓ ఫలకం ఏర్పడుతుంది.
ఇలా అధిక కొలెస్ట్రాల్ మన శరీరంలో పెరిగిపోతే దీని వల్ల గుండె, మెదడుకు రక్త సరఫరా ఇక అంత సులభంగా ప్రవహించదు. అప్పుడే గుండె సమస్యలు వచ్చి ప్రాణాలు పోయే పరిస్థితులు కూడా ఏర్పడతాయి.
ఇలా జరగకుండా ఉండటానికి సరైన జీవనశైలి అనుసరించాలి. దీనికి కొన్ని రెమిడీలు కూడా ఉన్నాయి. ముఖ్యంగా రక్తంలో చెడు కొలెస్ట్రాల్ తగ్గించేసే గింజలు అందుబాటులో ఉన్నాయి. ఇవి డైట్లో తప్పనిసరిగా చేర్చుకోవాలి.
ముఖ్యంగా మీ పూర్తి ఆహారపు అలవాట్లతో పాటు చియా విత్తనాలను తీసుకోవాలి. ఇవి కొలెస్ట్రాల్‌ను తగ్గించడంలో కీలకపాత్ర పోషిస్తాయి. చీయా విత్తనాలను అనేక విధాలు తీసుకోవచ్చు. వీటిని తీసుకునే ముందు ఓ రెండు గంటలపాటు నానబెట్టుకోవాలి..
ఆ తర్వాత తీసుకోవాలి.వీటిని పరగడుపున తీసుకోవచ్చు. చియా విత్తనాలు ఆరోగ్యకరమైన కొవ్వులను కలిగి ఉంటాయి. వీటిని పుడ్డింగ్‌లో కూడా వేసుకుని తీసుకోవచ్చు. ఇవి మీ రక్తంలో HDL కొలెస్ట్రాల్ మొత్తాన్ని పెంచుతాయి
ఎందుకంటే ముఖ్యంగా చియా గింజల్లో కరిగే ఫైబర్ ఉంటుంది. ఈ ఫైబర్ జీర్ణవ్యవస్థలో కొలెస్ట్రాల్‌తో బంధిస్తుంది LDL కొలెస్ట్రాల్ స్థాయిలను తగ్గించేస్తుందని ఆరోగ్య నిపుణులు చెబుతున్నారు.(Disclaimer: ఈ కథనం ఇంటర్నేట్లో అందుబాటులో ఉన్న సమాచారం ఆధారంగా రాసినది. Zee News Media కి దీనిని ధృవీకరించడం లేదు. )
