Almonds Benefits: ప్రకృతిలో లభించే వివిధ రకాల పదార్ధాల్లో పోషకాలు చాలా సమృద్ధిగా ఉంటాయి. శరీర నిర్మాణం, ఎదుగుదలకు ఇవి అద్భుతంగా పనిచేస్తాయి. ఇందులో ముఖ్యమైనవి బాదం. రోజూ ఉదయం వేళ నానబెట్టిన బాదం తింటే ఆరోగ్యపరంగా అద్భుతమైన ప్రయోజనాలు కలగనున్నాయి. చాలా రకాల అనారోగ్య సమస్యల్నించి విముక్తి పొందవచ్చు. ఆ ప్రయోజనాలేంటో తెలుసుకుందాం.
గుండె ఆరోగ్యం బాదంలో మోనో అన్‌శాచ్యురేటెడ్ ఫ్యాట్స్, యాంటీ ఆక్సిడెంట్లు పుష్కలంగా ఉంటాయి. కొలెస్ట్రాల్ నియంత్రణలో ఉపయోగపడతాయి. హార్ట్ బీట్ సాధారణమౌతుంది. గుండె సంబంధిత సమస్యలు దూరమౌతాయి.
బరువు నియంత్రణలో నానబెట్టిన బాదంలో హెల్తీ ఫ్యాట్స్ పుష్కలంగా ఉంటాయి. ఇవి దీర్ఘకాలం కడుపు నిండినట్టుగా చేయడం వల్ల ఆకలి ఉండదు. ఫలితంగా బరువు నియంత్రణలో దోహదమౌతుంది
చర్మం నిగారింపు బాదంలో ఉండే విటమిన్ ఇ, యాంటీ ఆక్సిడెంట్లు చర్మానికి కావల్సిన పోషకాలు అందిస్తాయి. రోజూ ఉదయం నానబెట్టిన బాదం తినడం వల్ల చర్మం హైడ్రేట్‌గా ఉంటుంది. చర్మం నిగనిగలాడుతుంది. మృదువుగా మారుతుంది.
జీర్ణక్రియకు ప్రయోజనం రాత్రంతా నానబెట్టిన బాదం ఉదయం పరగడుపున తినాలి. దీనివల్ల ఇందులో ఉండే ఫైబర్ జీర్ణక్రియను మెరుగుపరుస్తుంది. ఫలితంగా మలబద్ధకం, ఎసిడిటీ వంటి సమస్యలు దూరమౌతాయి. శరీరం అంతర్గతంగా ఆరోగ్యంగా మారుతుంది
మెదడు ఆరోగ్యం బాదంలో పెద్దమొత్తంలో విటమిన్ ఇ, యాంటీ ఆక్సిడెంట్లు ఉంటాయి. ఇవి మెదడు పనితీరుని మెరుగుపరుస్తుంది. నానబెట్టిన బాదం తినడం వల్ల జ్ఞాపకశక్తి పెరుగుతుంది. ఏకాగ్రత మెరుగుపడుతుంది. అందుకే పిల్లలు, వృద్ధులకు చాలా అవసరం.
