The Raja Saab: మ్యూజిక్ దర్శకుడు తమన్ ప్రభాస్ రాజా సాబ్..సినిమా గురించి సూపర్ అప్డేట్ ఇచ్చారు. ఈ సినిమాలో ఒక సూపర్ హిట్ రీమేక్ సాంగ్ చేస్తున్నానని.. చెప్పి అభిమానులను తెగ ఖుషి చేశారు. ప్రభాస్ రాజా సబ్.. సినిమాపై ఎన్ని అంచనాలు ఉన్నాయో అందరికీ తెలిసిన విషయమే. ఈ క్రమంలో ఇప్పుడు ఈ సినిమా సాంగ్స్.. గురించి సోషల్ మీడియాలో పెద్ద ఎత్తున చర్చ జరుగుతుంది.
ప్రభాస్ అభిమానులకు మరో పండగ సమయం దగ్గరపడుతోంది. ఆయన తాజా చిత్రం రాజా సాబ్, ఏప్రిల్ 10, 2025న విడుదలకు సిద్ధమవుతోంది. ఈ సినిమాలోని సంగీతంపై ఆసక్తికరమైన వివరాలను ఇటీవల సంగీత దర్శకుడు.. ఎస్ తమన్ వెల్లడించారు.
ఈ చిత్రంలో మొత్తం ఆరు పాటలు ఉండబోతున్నాయని, ప్రతి పాటను పెద్ద హిట్స్‌గా రూపొందించారని..తమన్ తెలిపారు. అంతేకాక, ఈ ఆరు పాటల్లో ఒకటి ప్రఖ్యాత హిట్ సాంగ్.. రీమేక్‌గా ఉండబోతుందని చెప్పారు. జనవరి 2025లో పాటలకు సంబంధించిన అప్డేట్స్ అందిస్తామని ఆయన హామీ ఇచ్చారు.
ఇదివరకే, ఈ చిత్రం గురించి నిర్మాత భూషణ్ కుమార్ పలు విషయాలను చెప్పిన సంగతి తెలిసిందే. ఇప్పుడు ఈ చిత్రం పాటల గురించి వస్తుంది అప్డేట్ మరింత ఉత్సాహపరుస్తోంది. ఆడియో హక్కులు ఏకంగా రూ. 25 కోట్లకు అమ్ముడైందని సమాచారం. అలాగే, ఈ సినిమాలోని విజువల్ ఎఫెక్ట్స్.. హారీ పోట్టర్ స్థాయిలో ఉంటాయని, అవి ప్రేక్షకులకు హాలీవుడ్ స్థాయి అనుభూతి కలిగిస్తాయని నిర్మాత తెలియజేశారు.
ఈ చిత్రం ప్రభాస్ హారర్-కామెడీ జానర్‌లో తొలిసారి నటిస్తున్న ప్రాజెక్ట్ కావడం విశేషం. దర్శకుడు మారుతి రూపొందించిన ఈ చిత్రంలో.. నిధి అగర్వాల్ ప్రధాన కథానాయికగా కనిపించనున్నారు. అదనంగా మాళవిక మోహనన్, వరలక్ష్మి శరత్‌కుమార్, సంజయ్ దత్, అనుపమ్ ఖేర్, మురళి శర్మ, జిషు సేన్‌గుప్తా వంటి ప్రఖ్యాత నటులు ఉన్నారు. టీజర్లు, పోస్టర్లు చూస్తే..ఈ సినిమా ప్రభాస్‌ను కొత్త కోణంలో చూపిస్తుందని తెలుస్తోంది.
ఇక ఈ సినిమాతో పాటు ప్రభాస్ మరికొన్ని పాన్ ఇండియా చిత్రాలలో నటీస్తున్నారు. వీటిలో ప్రశాంత్ నీల్ దర్శకత్వంలో..రాబోతున్న సలార్..రెండు భాగంపై ఎన్నో అంచనాలు ఉన్నాయి. అలానే కల్కి.. రెండో భాగంలో కూడా ఈ హీరో కనిపించనున్నారు.
