Jr NTR to host Meelo Evaru Koteeswarudu season 5 tv show | యంగ్ టైగర్ జూనియర్ ఎన్టీఆర్‌ని మరోసారి బుల్లితెరపై హోస్ట్‌గా చూసే అవకాశం రానుందా అంటే అవుననే తెలుస్తోంది. బిగ్ బాస్ తెలుగు రియాలిటీ షో ఫస్ట్ సీజన్‌ని విజయవంతంగా హోస్ట్ చేసిన తారక్ తాజాగా మరోసారి బుల్లితెరపై ఎంట్రీ ఇవ్వనున్నట్టు తెలుస్తోంది.
మీడియాలో వస్తున్న కథనాల ప్రకారం మీలో ఎవరు కోటీశ్వరుడు 5వ సీజన్‌ను ఎన్టీఆర్ హోస్ట్ చేయనున్నట్టు సమాచారం. అయితే దీనిపై ఇంకా ఎటువంటి అధికారిక ప్రకటన వెలువడలేదు. మీలో ఎవరు కోటీశ్వరుడు షో షూటింగ్ కోసం అన్నపూర్ణ స్టూడియోస్‌లో ప్రత్యేకంగా ఓ సెట్ రూపొందిస్తున్నారట.
హిందీలో బాలీవుడ్ మెగాస్టార్ అమితాబ్ బచ్చన్ హోస్టింగ్ చేస్తోన్న కౌన్ బనేగా కరోడ్‌పతి ( kaun banega crorepati 2020 ) అనే రియాలిటీ షోకు తెలుగు వెర్షనే ఈ మీలో ఎవరు కోటీశ్వరుడు రియాలిటీ షో.
ఇదిలావుంటే, టాలీవుడ్‌లో మరో టాక్ కూడా వినిపిస్తోంది. యంగ్ టైగర్ ఎన్టీఆర్ ( Jr Ntr ) ఈసారి హోస్ట్ చేయబోయేది మీలో ఎవరు కోటీశ్వరుడు కాదని... అదే తరహాలో ప్లాన్ చేసిన మరో టాక్ షో అనే టాక్ కూడా వినిపిస్తోంది.
ప్రస్తుతం రాజమౌళి తెరకెక్కిస్తున్న ఆర్ఆర్ఆర్ మూవీ షూటింగ్‌తో ( RRR movie shooting ) బిజీగా ఉన్న తారక్... ఓవైపు ఆ షూటింగ్ మేనేజ్ చేసుకుంటూనే మరోవైపు ఈ రియాలిటీ టాక్ షోను హోస్ట్ చేయనున్నాడని ఫిలింనగర్ వర్గాలు చెబుతున్నాయి.
బిగ్ బాస్ తెలుగు రియాలిటీ షో ఫస్ట్ సీజన్‌ని విజయవంతంగా హోస్ట్ చేసిన తారక్ ఆ షోతో తాను నటుడిగానే కాదు... టీవీ హోస్టుగానూ అదరగొట్టగలనని నిరూపించుకున్నాడు. ( Image courtesy : Video grab of Star maa )
గతంలో మెగాస్టార్ చిరంజీవి ( Chiranjeevi ) సైతం మీలో ఎవరు కోటీశ్వరుడు షోను హోస్ట్ చేసిన సంగతి తెలిసిందే. ఈ షో ద్వారానే టీవీ హోస్ట్‌గా చిరంజీవి తొలి ప్రయత్నం చేశారు.
ఇంతకీ తారక్ ( Jr NTR ) చేయబోయేది ఏదైనా కొత్త షోనా లేక మీలో ఎవరు కోటీశ్వరుడు 5వ సీజన్ అనేది తెలియాలంటే కొద్ది రోజులు వేచిచూడాల్సిందే. Also read : Bigg Boss Telugu 4: బిగ్ బాస్ తెలుగు 4: ఆమె పట్ల మరింత ఓపెన్ అవుతున్న అభిజీత్ Also read : Did Sonu Sood mortgage his properties: నిరుపేదలకు సాయం చేసేందుకు సోనూ సూద్ ఆస్తులు తనఖా పెట్టి రుణం తీసుకున్నాడా ? Also read : Chitra's suicide: చిత్ర ఆత్మహత్యకు కారణం ఏంటి ?
