Chandrika Ravi Movies: ‘ఇరుట్టు అరైయిల్ మురట్టు కుత్తు’ అనే తమిళ మూవీతో తన యాక్టింగ్‌తో మెప్పించిన నటి చంద్రికా రవి.. తెలుగులో వీరసింహా రెడ్డి మూవీలో తన డ్యాన్స్‌తో మెస్మరైజ్ చేశారు. ఈ భామ ఇప్పుడు రేర్ ఫీట్ సాధించారు. అమెరికన్ రేడియో టాక్ షోను హోస్ట్ చేసేందుకు రెడీ అవుతున్నారు.
భారతీయ సంతతికి చెందిన ఆస్ట్రేలియన్ నటి చంద్రికా రవి.. ఈ టాక్ షో ద్వారా తన జీవితంలో జరిగిన సంఘటనలు, అనుభవాలను పంచుకోనున్నారు.
రుకుస్ అవెన్యూ రేడియో వ్యవస్థాపకుడు సామీ చంద్.. ఈ బ్యూటీకి హోస్ట్‌గా ఆఫర్ ఇచ్చారు.
తనకు సొంతంగా ఓ టాక్ షో నిర్వహించాలని ఎప్పటి నుంచో కోరిక ఉందని.. ఇప్పుడు నెరవేరిందన్నారు చంద్రికా రవి. ఆమె ఈ కార్యక్రమం ప్రతి అంశంతో పాటు దాని రూపకల్పనలో కీలక పాత్ర పోషిస్తున్నారు.
ఇది ఒక గొప్ప అనుభవం అని.. కొంచెం ఒత్తిడి ఉన్నా కానీ లాభదాయకంగా ఉందని చంద్రికా రవి అన్నారు. కెమెరా వెనుక నుంచి పనిచేయడం భిన్నంగా ఉందన్నారు.
సినీ కెరీర్ ఆరంభించకముందు ఆమె రేడియో, టెలివిజన్‌లో అనేక లైవ్ షోలను హోస్ట్ చేసింది. యూఎస్‌లో రేడియో షోను హోస్ట్ చేసిన మొదటి భారతీయ మహిళ అని తాను కావచ్చని.. కానీ తానే చివర కాదని నవ్వుతూ చెప్పుకొచ్చారు.
చంద్రిక షో యూఎస్‌లోని అతిపెద్ద నెట్‌వర్క్‌లలో ఒకటైన iHeart రేడియో, రుకస్ అవెన్యూ రేడియోలో ప్రతి గురువారం ఉదయం 7:30 గంటలకు (భారత కాలమానం ప్రకారం) ప్రసారం అవుతోంది. ఫుల్ ఎపిసోడ్ ప్రతి శుక్రవారం యూట్యూబ్‌లో రిలీజ్ అవుతుంది.
