Sai Pallavi- Dulquer Salmaan: సాధారణంగా ఒక కాంబినేషన్ తెరపై ప్రేక్షకులను విపరీతంగా అలరించింది అంటే కచ్చితంగా ఆ కాంబినేషన్ ను మళ్లీ రిపీట్ చేస్తారు అనడంలో సందేహం లేదు. ఈ క్రమంలోనే..సాయి పల్లవి, దుల్కర్ సల్మాన్ కాంబినేషన్ మళ్ళీ రిపీట్ కాబోతోంది అని తెలిసి అందరూ సంతోషం వ్యక్తం చేస్తున్నారు. మరి అసలు విషయం ఏమిటో ఇప్పుడు చూద్దాం.
బాలీవుడ్ స్టార్ హీరోగా పేరు.. సొంతం చేసుకున్న దుల్కర్ సల్మాన్ ఇప్పుడు టాలీవుడ్ లో వరుస సినిమాలు చేస్తూ ప్రేక్షకులను అలరిస్తున్నారు. అందులో భాగంగానే తాజాగా లక్కీ భాస్కర్..సినిమాతో ప్రేక్షకుల ముందుకు వచ్చి భారీ విజయాన్ని సొంతం చేసుకున్నారు దుల్కర్ సల్మాన్.
మరొకవైపు టాలీవుడ్ సినిమాకి ఫిదా సినిమా ద్వారా ఎంట్రీ ఇచ్చి తెలుగు ప్రేక్షకులను.. విపరీతంగా ఆకట్టుకున్న సాయి పల్లవి కూడా ఈసారి అమరన్ సినిమాతో దీపావళి సందర్భంగా ప్రేక్షకుల ముందుకు వచ్చి తన ఖాతాలో మంచి విజయాన్ని అందుకుంది.
ఇక ఇప్పుడు ఈ ఇద్దరి కాంబినేషన్లో మళ్లీ సినిమా రాబోతోంది అంటూ ఒక వార్త తెరపైకి రావడంతో అభిమానులు సంతోషం వ్యక్తం చేస్తున్నారు. ఎందుకంటే గతంలో అనగా 2016 లోనే వీరిద్దరి కాంబినేషన్లో కాళీ అనే సినిమా వచ్చింది. ఈ సినిమా ప్రేక్షకులను ఎంతలా ఆకట్టుకుంది అంటే వీరిద్దరి ఆన్ స్క్రీన్ కెమిస్ట్రీకి ప్రేక్షకులు ఫిదా అయిపోయారు. అందుకే అభిమానులు సైతం మళ్లీ వీరిద్దరూ కలిసి నటించాలని కోరుకుంటున్నారు.
ఇక తాజాగా అందుతున్న సమాచారం ప్రకారం.. దుల్కర్ సల్మాన్ , సాయి పల్లవి త్వరలో మళ్లీ నటించబోతున్నట్లు సమాచారం. ఒక రొమాంటిక్ డ్రామా మూవీగా తెరకెక్కబోతున్న ఈ సినిమాలో దుల్కర్ సల్మాన్ సరసన సాయి పల్లవిని దాదాపు కన్ఫామ్ చేసినట్లు వార్తలు వినిపిస్తున్నాయి.
గ్రామీణ నేపథ్యంలో ఈ సినిమా రాబోతోందని సమాచారం. అంతేకాదు "ఆకాశంలో ఒక తార" అనే టైటిల్ ని కూడా ఫిక్స్ చేస్తూ ఒక పోస్టర్ ను విడుదల చేశారు. గీత ఆర్ట్స్ బ్యానర్ పై అల్లు అరవింద్ నిర్మిస్తున్నట్లు తెలుస్తోంది. "ఆకాశమే హద్దు కాదు.. మీ హృదయాన్ని ఉర్రూతలూగించే కథతో మనందర్నీ మంత్రముగ్ధుల్ని చేసే మా స్టార్ హీరో దుల్కర్ కి పుట్టినరోజు శుభాకాంక్షలు అంటూ ఆయన పుట్టినరోజు సందర్భంగా పోస్టర్ తో సహా విడుదల చేశారు.
