Apsrtc 25 percent offer: ఏపీ సర్కారు బస్సు ప్రయాణికులకు అదిరిపోయే గుడ్ న్యూస్ చెప్పిందని తెలుస్తొంది. ఇప్పటికే చాలా మంది బస్సుల్లో రేట్లు ఎక్కువగా ఉన్నాయని గగ్గొలు పెడుతున్నారు. అలాంటి వారికి మాత్రం ఇది గుడ్ న్యూస్ అని చెప్పుకొవచ్చు.
ప్రస్తుతం కొన్నిరోజులుగా వరుసగా పండగలు వస్తున్నాయి. దీంతో ఆయా బస్సులలో చార్జీలు ఎడా పెడా పెంచేశారని బస్సు ప్రయాణికులు రచ్చ చేస్తున్నారు. టికెట్ డబ్బులు చాలా వసూలు చేస్తున్నారని కూడా ఆందోళనలు వ్యక్తం చేస్తున్నారు.
కొన్ని మార్గాలలో స్పెషల్ బస్సులు అని పెట్టి మరీ దోచేశారని కూడా బాధితులు తమ గొడును వెళ్లబొసుకున్నారు. ఇదిలా ఉండగా ప్రస్తుతం బస్సులో ప్రయాణించే వారికి ఏపీఎస్ఆర్టీసీ గుడ్ న్యూస్ చెప్పిందని తెలుస్తొంది.
ఏపీఎస్ఆర్టీసీ కీలక నిర్ణయం తీసుకుంది. ఇక మీదట బస్సుల్లో ప్రయాణించే సీనియర్ సిటిజన్లకు మాత్రం భారీగా రాయితీ కల్పించనున్నట్లు తెలుస్తొంది. అన్ని రకల ఆర్టీసీ బస్సుల్లో ఈ రాయితీ వర్తించనుందని అధికారులు వెల్లడించారు. బస్సు ప్రయాణంలో 25 శాతం రాయితీ ఇవ్వనున్నారు.దీని కోసం ఆరు రకాల గుర్తింపు కార్డులలో ఏదో ఒక గుర్తింపు కార్డును బస్సులో చూపించాల్సి ఉంటుంది.
ఇతర రాష్ట్రాలకు చెందిన వారికైన కూడా ఈ బస్సు ప్రయాణంలో 25 శాతం రాయితీ అప్లికేబుల్ అవుతుందని తెలుస్తొంది. బస్సుల్లో రాయితీ కోసం ఆధార్‌ కార్డ్‌ , పాన్ కార్డు, ఓటర్ ఐడీ, రేషన్ కార్డు, సీనియర్ సిటిజన్ కార్డు వంటి వాటిలో ఏదొ ఒక్కటి దగ్గర ఉంచుకుంటే సరిపొతుందని అధికారులు చెప్పినట్లు తెలుస్తొంది.
మరోవైపు ఇప్పటికే కొన్ని రాష్ట్రాలలో బస్సులలో మహిళలకు ఉచిత బస్సు ప్రయాణం కల్పిస్తున్నారు. ఈ నేపథ్యంలో ప్రస్తుతం ఏపీలో సినియర్ సిటిజన్లకు బస్సు ప్రయాణంలో రాయితీ కల్పించడం పట్ల ప్రయాణికులు ఆనందం వ్యక్తం చేస్తున్నట్లు తెలుస్తొంది.
కార్తీక మాసం నేపథ్యంలో ఏపీలో అన్ని ప్రధాన ఆలయాలకు ప్రత్యేకమైన బస్సుల్ని ఏర్పాటు చేశారు. అంతే కాకుండా.. రద్దీ అధికంగా ఉన్న మార్గాల్లో స్పెషల్ బస్సుల్ని నడిపిస్తున్ననట్లు ఆర్టీసీ అధికారులు వెల్లడించారు.
