Foods Avoid By Asthmatic Patients: ఆస్తమా సమస్యతో బాధపడేవారు ఖచ్చితంగా ఈ పదార్థాలకు దూరంగా ఉండాలి.
Foods Avoid By Asthmatic Patients: ఆస్తమా అనేది దీర్ఘకాలిక శ్వాసకోశ వ్యాధి, ఇది ఊపిరితిత్తుల వాపు మరియు శ్వాస మార్గాల కుంచింపును కలిగిస్తుంది. దీని వల్ల శ్వాస తీసుకోవడంలో ఇబ్బంది, దగ్గు, ఛాతీ బిగుతు వంటి సమస్యలు కలుగుతాయి. అయితే ఈ సమస్య ఉన్నవారు కొన్ని రకాల పదార్థాలను తీసుకోవడం మంచిది కాదని ఆరోగ్యనిపుణులు చెబుతున్నారు.
ఆస్తమా రోగులు వారికి అలెర్జీ కలిగించే ఆహార పదార్థాలకు దూరంగా ఉండాలి. సాధారణ అలెర్జీ ట్రిగ్గర్‌లలో గింజలు, సీఫుడ్‌, గుడ్లు, స్ట్రాబెర్రీలు, టమోటాలు వంటి కొన్ని పండ్లు, కూరగాయలు ఉండవచ్చు.
ఆస్తమా రోగులకు పాలు, చీజ్‌ , క్రీమ్‌ వంటి పాల ఉత్పత్తులు, శ్వాసనాళాల్లో కఫాన్ని పెంచుతాయి. ఇది ఆస్తమా లక్షణాలను మరింత తీవ్రతరం చేస్తుంది.
వేయించిన, ఫాస్ట్ ఫుడ్స్‌లో ట్రాన్స్ ఫ్యాట్స్ సంతృప్త కొవ్వులు అధికంగా ఉంటాయి. ఇవి వాపు, ఆస్తమా లక్షణాలను పెంచుతాయి.
ప్యాక్‌ చేసిన స్నాక్స్‌, జంక్‌ ఫుడ్‌ , రెడీ-టు-ఈట్‌ మీల్స్‌ వంటి ప్రాసెస్‌ చేయబడిన ఆహారాలలో ప్రిజర్వేటివ్‌లు, సంకలనాలు ఉంటాయి, ఇవి ఆస్తమా వ్యక్తులు తీసుకోవడం వల్ల అనారోగ్య సమస్యల బారిన పడాల్సి ఉంటుంది.
ఉప్పు ఎక్కువగా తీసుకోవడం వల్ల కూడా ఆస్తమా లక్షణాలు పెరుగుతాయి. అధికంగా ఉండే ఆహారాలు రక్తపోటును పెంచుతాయి, ఊపిరితిత్తుల చికాకును కలిగిస్తాయి.
