Mint Leaves: సాధారణంగా కిచెన్‌లో భద్రపరిచే పదార్ధాలు కొన్నిరోజులు నిల్వ ఉంటాయి. మరి కొన్ని పాడవుతుంటాయి. అయితే ఇదంతా మనం నిల్వ చేసే విధానాన్ని బట్టి ఉంటుంది. ముఖ్యంగా పుదీనా, కొత్తిమీర వంటివి సరిగ్గా భద్రపర్చకుంటే త్వరగా పాడైపోతాయి. ఈ క్రమంలో పుదీనాను ఎక్కువకాలం ఎలా నిల్వ చేసుకోవాలో తెలుసుకుందాం.
పుదీనా ఆకుల్ని ఎండలో అసలు ఉంచకూడదు. ఇలా చేయడం వల్ల పుదీనా త్వరగా పాడయిపోతుంది. పుదీనా సువాసన కూడా పోతుంది.
పుదీనా ఆకుల్ని శుభ్రమైన బట్టలో చుట్టి కూడా ఉంచవచ్చు. దీనివల్ల ఎక్కువకాలం పుదీనా పాడుకాకుండా ఉంటుంది.
దీనికోసం ప్లాస్టిక్ ప్యాకెట్‌లో ఉంచితే ఇంకా మంచిది. దీనివల్ల గాలి అస్సలు చొరబడదు. చాలారోజుల వరకూ ఆకుపచ్చగా, తాజాగా ఉంటాయి. రబ్బర్ బ్యాండ్‌తో చుట్టేస్తే ఇంకా మంచిది.
పుదీనాను శుభ్రం చేసిన తరువాత ఓ శుభ్రమైన కాగితంలో చుట్టి చల్లగా ఉండే ప్రదేశంలో ఉంచాలి. పుదీనా ఆకుల్ని ఎలా చుట్టాలంటే గాలి చొరబడకూడదు. లేకపోతే పాడైపోతాయి.
పుదీనా అనేది ప్రతి కిచెన్‌లో తప్పకుండా కన్పిస్తుంటుంది. దాదాపు ప్రతి వంటలో ఉపయోగించే పదార్ధం. ఆరోగ్యానికి చాలా మంచిది. పుదీనా పాడవకుండా ఎక్కువకాలం ఎలా స్టోర్ చేసుకోవాలో తెలుసుకుందాం. ముందుగా పాడైన ఆకుల్ని తొలగించి శుభ్రం చేసుకోవాలి. ఆకుల్ని తెంచి వేరు చేయాలి.
